Patea

He hla phuahtu hi Zaliana a ni a, Patea tiin an ko \hin. Apa chu Selbawnga niin anu chu Sinmawii a ni a, kum 1894 ah Tualte khuaah a piang a, Leng khuaah te, Sailulakah te, Khawbungah te an pem kual \hin. Hla 55 a phuah a, a hla phuah hmasak ber chu ‘Ka ropuina tur leh ka himna hmun’ tih niin kum1920 vel khan a phuah a ni. March ni 23, 1950 khan a himna hmun van ropui panin Khawvel a chhuahsan ta a ni.


Mizote Kristian kan nih chhoh \antirh lai vel hian Mizo rilrem zawnga sak chi hla kan nei lo em em a, hei vang hian Kohhran pawh a \hang duang hleithei lova. Nimah sela Patea te leh Kristian hla phuahtu dang ten khuanghnih (Lengkhawm) zaia sak chi hla chu kum 1920 chho vel a\angin an lo phuah ta a, hei vang hian kohhran pawhin nasa taka hma sawnin Siamkima Khawlhring phei chuan hetih hunlai hi ‘Kristian hla in a chim san l^i ber’ ti hialin a lo sawi a, harhna pawh a thleng nasa hle a ni. He hla pawh hi hetih hunlai vela a phuah a ni.