Vankhama hi kum 1906 ah Diarkhaiah a piang a, apa hming chu Vanchhunga a ni. Aizawl, Silchar, Shillong leh Calcutta ah te lehkha a zir \hin a, thu leh hla lamah pawh nasa taka inhmangin a hlawhtling hle nghe nghe a ni. Kum 1970 khan khawvel a chhuahsan.
Vankhama hian hla 50 bawr vel a phuah a, amah hi solfa thiam tak a nih bawk avangin a hlate hian sak an hlawh hle. A tlangpuiin krismas hla te, khuarel lam hla te, leh lengzem hla te a phuah \hin a. A hla thu chheh dan a mawi thei hle bawk a ni. Vankhama hian Tirhkoh Paula’n Korinth khuaa mite hnena lehkha a thawn bung 13-naa hmangaihna tih thupui behchhan chungin he hla hi a phuah a, a nula duh tak pakhat lakah a hmehbel nghal a ni.
No comments:
Post a Comment