Mitdel Hlaphuah Thiam Laithangpuia

Laithangpuia Chanchin Tlangpui:

Laithangpuia Tochhawng hi kum 1885 ah Sesawng khuaah a piang nia sawi a ni a. Apa chu Domawia niin a nu chu Chhinghermawii a ni. A naupan tet a\anga mitdela sawi an awm na a, mahse naupang fel tawh tak a nih laiin Tuirini luia an kalnaah lung nala a tawlhthl<knaah a mit hi a sawh a, a lo del ta ni zawk awm a ni. An unau paruk zinga upa ber niin an sawi nghe nghe.

Sesawng a\ang hian Bukpui khawper Ralbawmah an pem a, Ralbawma an awm lai hian an lal Khawlkunga’n Bawrhsap HWG Cole an Kumpinu Edward a thih sun turin lalho a kokhawm a, Laithangpuia chu Awizawlah a hruai a, hetiang hian hla a phuah nghe nghe :

            Lalber Edward a fam ta e,

            Ngur zawng zawng leh Ralbawm tleitir min sawm;

            Salam kan buk Aitlang zo daiah’ tiin.

Kum 1911 Mautamin Sihphirah an pem a, a nupui nen fa an neih theih loh avangin nupui dang Chawngchhingpuii a nei leh a, fa pawh pathum lai an nei. Sihphir a an awm lai hian Kristian ah an inpe a, kum 1919 ah Salvation Army kohhran ah a lut bawk.

Kum 1918 ah Sawlengah an pem chho leh a. 1928 ah ~hingtam khan mak tak maiin Tuisual ral saw a hak a, Tuisual ral khaw pakhat Thingsatah an pem leh ta a ni. Thingsatah pawh hian Chhandamna Sipai pawlah rawngbawlin, a khaipa ber zingah a tel a ni.

|amte a lo reh a, Thingsata kum hnih lek an awm hnuin Sawleng ah bawk an pem let leh a, hla a phuah zel bawk a. Tichuan kum 1937 Dec 3 ah a boral ta a ni.

Laithangpuia Hlate :

Laithangpuia hian hla 40 vel a phuah ni a hriat a ni na in a hla lakkhawm theih chin chu 27 chauh a ni thung a. A hla te hi hmun li ah a \hen phawk theih a, rinna indona hle te, lusun hla te, a mimal nun a\anga Pathian a pawlna hla te leh hun bik nei hla te an ni. Tin, laithangpuia hian hla a phuah thiam b^kah a thl<k siam a thiam >m >m a, a hla te hi a mahin a thl<k a siam vek a ni.

Laithangpuia Hla Bihchianna :

Laithangpuia hi Sakhaw tharin a hrinchhuah hlaphuahthiam zinga pakhat a ni kan ti thei ang. Mizoten kristian sakhua kan hmelhriat hnu khan kan hla hlui leh kan ngaihhlut te chu hnuaichhiah a lo ni ta a. Zos^pten hla min phuah sak in min siam sak a, nimahsela an hlaphuah dan kalhmang leh hla thu te chu mizote chuan  kan ngaina lo hle a. Nimahsela Pathian hla kan neih chhun te an nih miau si avangin a sak loh theih bawk si loh. Kum 1919 a Mizorama harhna alo thlen khan Hla phuah thiam tak tak mizo chhulchhuak ngei an lo lang ta a, chung zinga a langsar te chu Patea, R.L Kamlala leh Saihnuna te an ni a, hei baka langs^r tak pakhat chu Laithangpuia hi a ni.

Mizote rilru leh thinlung mil, hlathu lam dan mawi leh dik, kan ngainat zawng tak ni bawk siin an ni hian Kristian hla \ha tak tak an lo phuah ta hlawm a, an ni hi Misote tan chuan an hlu takzet a ni. Tin an hlaphuah te avang hian Mizoten kristian sakhaw ngainat kawngah nasa takin hma kan sawn phah bawk ni in alang.

Laithangpuia hla kan hmuh hrang hrang te a huhova bihchianna leh chhuizauna lo nei ila.

1.      Flow of poetry :

Laithangpuia hla han bihchian a langsar tak chu a hlathu lam dan leh chhiar dan (flow of Poetry) hi a ni.  A hla zawng zawng hi hlathu lam nuam leh inz<l \ha a sawi theih ni lo mahse a hunlai ngaihtuah chuan hla \ha tak tiina sawi ngam sak a. Zosapte phuah ai chuan a hla phuah te hi a ngainat awm fe zawk tiin kan sawi thei ang. Hei hian a hlathu lam a nuam lo kan tihna a ni lova, lam nuam leh inz<l \ha tak tak erawh a awm, chung zingah chuan heng :

            Vanduai min awmpui la,

            I ram thianghlim thleng ni mahse;

            Lei mihrin chhung hianin ka ngai thiam lo,

            Ka Lal Lunghnem, tuar har min dawnpui rawh.

            (‘Phungrual an \in ang a’ tih hla a mi) te

Lunglen tinkim dawn za a,

Ngai chunga ka \hen tak te,

An kallaini, aw, tin>m la;

Thlemna chhumpui lo zing mahse,

An kawng Lalpa t >ng zel rawh.

(‘Hun Tl>m Te Chauh Kan Nei Ta’ tih hla a mi) te hi lam a nuam in a r$ leh thu a inz<l nalh thlap mai a, a mai em em a ni. Hei hian Laithangpuia hla phuah thiamna a lantir thei awm e.

2.      Philosophical Matters :

Hla \hat leh \hat loh an tehna pakhat leh chu fin thuril a pai leh pai loh ah hian a ni awm e. Laithangpuia hla te hi Pathian hla an ni tlangpuiin a hriat a, nimahsela Pathian hla naran erawh an ni hlawm lo. Laithangpuia hian Pathian nihna, dinhmun leh mizia chu enge a nih chiah tih ngiahtuah thei tur leh ngaihtuah ngei ngei ngai khawp a thiamin mi a sawm thei tlat a. A hlaphuah a\anga thlirin Pathian angchhung a awm nawm tur zia leh thlakhlehawm zia pawh a sawi chuak thiam khawp mai. Chu chuan ngaihtuah zui tur tam tak min pe a, fin thuril tam tak a pai zia alang thei a ni.  Tin hle hla chang khat hi lo en ila:

            Aw, Ka zantlai tawnmang

            Lo nise thlafam ngaih chu;

            Bawhar lungfingten min tho se,

            Zing engah #hang mai teh ila.

He hlathu,  ‘Hnam Ka Len Nuam Mang E’ tih hla ami lakchhuah han thlir thuak hian a awmzia chu kan man faih faih awm e. Mahse ha ngaihtuah chian a, a sawi tum han chhuibing tak tak erawh chuan thinlung chhungril nghawr dap khawpa hla thu tha leh phuahchhuah dan mawi tak a nih zia a lang a. Ngaihtuah zui tur a hnutchhiah tam khawp mai.

Mitthi ta a ngaihzia leh chumi ngiah hrehawm zia a phuahchhuahna mai ni in alang a, nimahsela min hneh a, ngaihtuahna a hruai kawi thui tak zet a ni.

3.      Expression :

Hla ngainatawm lo chhuahna leh hla \ha tehfung pakhat ni bawk chu an puanchhuah dan ah hian a ni. Hemi kawngah hi chuan Laithangpuia hi fak tlak tak a ni. A hla ah te reng reng hian laithangpuia hian a sawi tum a dah pawimawh ber #hin ni in a hriat a, hla thu leh a lam inzul ai mahin a sawitum a phawhchhuah zawh leh zawh loh ah hian a fimkhur zawk ni pawh in a lang.

A hla te rang reng hian a sawi tum chu pehhel hauh lovin a sawi pawp pawp mai \hin a, a chiang a, a fiah thei khawp mai.

            Theih zawng ni se, hun l^wmawm ka vuan t<r,

            An inher liam ta siau va;

            Nun hlui ngaiin kan her,

            Hm^nlai, kan ti vawng vawng.

a  han ti te pawh hian a sawi tum chu a sawi chiang khawp mai. He hla ah hian hemi chang chauh pawh hi awm se la, a hla thupui kan hrethei ang tih hial khawp a fiah a ni. Hei hian Laithangpuia hla phuah thiamna chu a tarlang awm e.

Thu Tl^ngkawmna:

Laithangpuia hla te hi sawi tawh angin a \ha famkim hle kan ti thei bik lova, nimahsela a hunlai ngaihtuah chuan mizote tan chuan hlu tak a ni. A hlathu hman te duh angin a uluk vak hran lo, nimahsela khatih lai khan a hla thu an ngainat chhan a ni ber chuang lo. Chutiang zelin technique taka thlir chuan sawiselna tur a am nual ang. Figures of Speech pawh a hman#ha tiin sawi thei a ni lo. Nimahsela laithangpuia hla hi kan ngaina in kan hlut em em tho a ni.

Amah hi Mitdel chunga Pathian hmutu a ni a, a chiang a, a nghet a. A rinna pawh a derthawng lo hle tih a hla a\angin a hriat theih bawk.

A hla zawng zawng kan chhui vek s>ng lovang a. Heitah hian duhtawk ila a \ha awm e. Laithangpuia hian Mizote tan chhinchhiah tlak leh hriatrng tlak in hla a hnutchhiah a, a hlu a. Hla nihphung (techniques) avang chauh hian hla \ha hi chhuichhuah tur a nilo tih pawh a hla a\ang hian a langchiang em em a ni. A chhan chu a hla te hi chhui dawn chuan sawiselna tur tam tak a awm thei a, Nimahsela chutih rual chuan kan duh in kan ngaina a, hla \ha ah kan chhiar tel tho si a ni.

Hei vang hian Mitdel hlaphuahthiam Laithangpuia hi a hlu a, a ropui a, a fakawm takzet a ni.

+++++++++++++++++++++++++++++++++++++++++++++++++++++++++++++

Reference:

1.      Thangluia H ‘Mizo Kan Ni-II’ Lois Bet Print & Publication, Chanmari, Aizawl.

2.      Thanmawia R.L ‘Ngirtling’ College Text book (mizo) Editorial Board. Printed at Gilzom Offset.

3.      Siamkima ‘Zalenna Ram’ Printed at Gilzom Offset. Electric Veng, Aizawl.

4.      Lalthangliana B. ‘Mizo Literature’ Mizoram Publication Board.