AUKHAWK LASI (BOOK REVIEW)

Aukhawk Lasi thawnthu tawi (Short Story) hi Lalzuithanga ziah a ni a. Thawnthu tawi sawm leh pasarih dawn lai chu a ziak nghe nghe a ni. ‘Char huai i hlau lawm ni?’ tih hi Thawnthu tawi a ziahah chuan a ziah hmasak pawl a ni a. Dr.K.C.Vannghaka chuan, “Kum 1940-41 velah kh^n ‘Thlahrang’ thawnthu a ziak a. Char huai i hlau lawm ni? tih thawnthu tawi n>n hian a thawnthu ziak hmasa ber niin an sawi (History of Mizo Literature 211).” a ti. Chumi hnu rei lot>ah kum 1950 Aukhawk Lasi hi a ziak a, 1980-ah Printing press lam neih \hat tawk loh avangin kum 1980-ah an published a ni. 

Thawnthu tawi hi 17(sawm pasarih) lai a ziak nghe nghe a ni.

Eng Short Story nge a nih?: Aukhawk Lasi hi R.L.Thanmawia chuan Gothic Fiction huam chhungah a dah a. Gothic fiction huam chhungah hian a dah chhan  a awm a. Gothic-ah chuan thlarau lam leh mihring piahlam thil, mihring nena inzawmna nei \ha takte chu a changtu (Hero/Heroine) ber ber an ni a. Aukhawk Lasi-ah hian a changtunu(Heroine) chu Rautinchhingi a ni a. Chu chu thlarau lammi, mihring nilo leh mihring aia thil tithei zawk Lasi (Damsel) a ni. Mizote ngaihdanah chuan Lasi hian Ramsa zawng zawng hi an siam a, an enkawlna hnuaiah an awm a ni. Mihring an len pawh thei a, an duh duh mal an sawm mai \hin. Rautinchhingi pawhin changtupa(Hero) |huama hi a ngaizawng a, a rukin a lo veng reng \hin a, an inkarah hmangaihna mawi tak a lo chhuak ta a. Chuvang chuan Gothic Fiction huam chhungah kan dah a ni.

Indirect narration-a ziah a ni a. chumi awmzia chu a changtute ngeiin anmahni chunga thil thleng, a taka an thil tawn chanchin an sawina (Autobiographical) ni ^wm taka ziakna a ni a, taktak a ang(objective) duh bik hle. Norman Friedman chuan, “A taktaka thill thleng anga t^r lanna, Drama anga lang thei, a changtuten an mahni chanchin an sawina, an ch>t dan pawh inbiakna leh a changtuin a rilrua thil awm a puan chhuahna (soliloguy) hmanga tihlan a ni \hin(Theory of Literature 97)” tiin a sawi. Aukhawk Lasi  pawh hi chutiang chu a nih avangin a tak anna a nei sang hle.

Thawnthu tlangpui (Summary of story): |huama leh a \hianpa chu Zualko turin Kelsih a\angin Aizawlah a zana zanin chhuah a lo ngai a. Tichuan an chhuak ta a, thui pawh an kal lovang tihah chuan a \hianpa chuan a ke abilh palh ta hlauh mai a. Ani chu a l>t leh a. |huama erawh a mahin a kal zel a. Thlahleinga zan a nih avangin thla a eng ruih mai a. Ngaizel hmun a thlen chuan Aukhawk zawn a thlen chuan hmeichhe nui ri a hre ta a, kawng chhak lam a\ang chuan aw a lo chhuak a ni tih hriain, a han hawi chho chu nula hmel\ha fahran hi Ngai kung tar tawh takah hian a lo \hu a. Ani chuan a hming tak mai a kovin , a bula awm ve turin a sawm a ni.

|huama chuan mak a tih deuh avangin kal mai a tum a, nula chuan kalsan chu a duh hauh lo mai hi a lo ni a. |huama hma tak maiah chuan Sakei hi a \hut tir run mai a. |huama pawh chu kal pawh chu tum lui lovin nula, amah sawmtu lamah chuan a kal  ta a. Nula bul a thlen dan pawh chu thli chhem len ang mai hian Nula bulah chuan a chho ta dawrh mai a ni. An han inkawm chu |huama chuan a hriat loh thute a sawi a, Nula chuan a hming sawiin Rautinchhingi a nih thu te chu a  hrilh a. Tin, a hma a\anga a lo hriat tawh thute chu a a hrilh tel bawk a ni. Lasi  chuan |huama chu an in chhungah a luh pui a, chutah cuan |huma chu tihdanglamin a awm ta nghal a, Chhingi chu a tun hmaa a lo zawl thluk tawh ang mai leh innel tawh tak ang mai hian a hria a, an han inkawm pawh chu an thu a inhmuin an innel ta hle mai a ni.

A nihna takah chuan Lasi (young damsel) mawina chuan |huama chu a hip hneh hle a ni. Tichuan, Lasi chuan |huama chu a chul muhil a, zing a lo nih a, a han \hangharh meuh chuan Rautinchhingi chu a hmu thei a reng reng lo mai a. Chhun engah chuan mihring hmuh theih a nih loh thu chu Rautinchhingi chuan a aw hmang ringawtin a lo hrilh ta a ni.

|huama pawh Aizawlah a zualkohna lamah chuan a kal leh ta a, a hma a thil tawn te leh a tlai chhan a han hrilh pawh chuan tuman an awih sak hauh ta lo va. A mah pawh chu a hrilh a hai hle a ni. Nimahsela, Rautinchhingi zunah chuan a lo uai nasa hle hman a. A ngai veng veng a ni. Rautinchhingi khan Sainghova siam no mawi tak maiah hian zu a pe a, mahse chu chu chhun engah chuan n>ltlang satliah ringawt hi a ni. Zan a lo thleng leh chuan Rautinchhingi chu hmuh leh ngei tumin Ngaizel hmun vel chu a tlawh leh ta a. Ngai kungah chuan lawnin N>ltlang ringawt chu Sainghova siam noah a lo chang leh tawh a, a chhunga zu chu a in a tah chuan Lasi chenna in chhung chu a lo lang leh thei ta a, a chhungah chuan lut leh ta a ni. Tah chuan Rautinchhingi tui taka lo muhil leh a bula tlangval hmel\ha em em maiin a lo ch<l hauh hauh chu a hmu a, a thik hle a ni.

Chu tlangval hmel\ha tak chuan eng nge maw ni hian Chhingi chu a lo phuh seng seng a, hla thu a han chham a, a ral ta ria ria a. Rautinchhingi lo harh chuan |huama lo kal chu a lawm hle mai a. hlim takin an awm dun a. Tlangval hmel\ha tak chu a unaupa a nih thute leh an Lal a nih thu te chu a sawi a. Tin, Lasi chenna \hin nuam takah te chuan a kalpui a. mahse chumi zan bak chu an inhmuh theih loh tur thu a hrilh nghal bawk a, inhmu thei reng turin a u thiltihtheihna chuan a tlin loh thu a hrilh a ni. Aizawl khaw awm chhohdan tur te, thil a danglam dan turte leh Aukhawk zawn pawh thing lian tak tak a la awm tur thute chu a sawi bawk a. |huama chuan a hmu thei tawh dawn lova, Mahse, a fapa chuan a tlangval chhungin thlahleinga zan a piangin a hmuh theih tur thute chu Rautinchhingi chuan |huama hnenah chuan a hrilh vek a.

Zing a lo nih meuh chuan induhin inhmangaih hle mah se, a u chuan Rautinchhingi chu a lo lam ta a. Tichuan, an ral ta ria ria a. an inhmu leh ngai tawh lo a ni.

Changtute mize bihchianna (Character Sketch):

1.      |HUAMA:

Aukhawk Lasi-ah hian |huama hi a changtupa ber a ni a. Mizo tlangval tihdan tur dik takin Zualko turin a \hianpa nen Kelsih a\angin Aizawlah khaw thim pawh pawisa lovin an kal a, A \hianpa ke a ulh a, ani chu zawi zawiin a kir leh a. |huama erawh chu tlawmngai takin a mahin a kal lui ta tho a ni. Heta kan hmuh theih chu Mizo Tlawmngaihna a ni. |huama hi hetiang chetsual hlauhawm takah pawh amah mai a, a kallui ngam hi a tlawmngaih bakah a huaisen tel a ni.

Mahni inthunun thei tak chu a ni tih a hriat theih mai bawk. Ram pa lai l>nga nula nui ri han hriat chu a nuam zan dawn lo va, a hmuh tirh pawhin, a tiril a khur a ni. Mahse, chiai miah lovin a be thei a, finfiah ngei pawh a tum tih hriat takin a mit vawi thum lai a nuai a, a lehhawi khum ngat a ni. A koh pawhin a chhang duh lo bawk. Ramhuai leh rammite hi a hlauh zawng tak chu ni mah se, hlau awm taka a awm lo hi a inthunun thei hle a ni.

A fing tel bawk a, Rautinchhingi duhawmzia a hria a, hmuh leh tumin a kal leh ngei a ni. A nula hmuh tawh zingah chuan \ha ber a ni a: Rautinchhingi pawhin a duh hle mai. Chu chuan at a so tir phah miah lo. “Mahse, nang Lasi i ni a, kei mihring ka ni si a, engtin nge kan tih chuan ang ? kawng a awm thei em ni?” tiin Rautinchhingi bulah a sawi a ni. A chhia leh \ha hriatna (Conscience) kha a la hmang \ha hle mai a. Tihdanglam a nih hnuah pawh Lasi zawk hi a buai zawkah a \ang a ni. Chuvangin tlangval rilru hmang thiam tak chu a ni.

2.      RAUTINCHHINGI:

Thawnthu khaidingtu ber chu Rautinchhingi hi a ni a. a thupui (tittle) neitu pawh hi a mah a ni a, a pawimawh hle a ni. Lasi a ni a, an Lal ber a u ni bawk chuan a thilltihtheihna hmangin a ngaihzawng |huama a hmu thei a, chupawh \um hnih teh lawng chauh an inhmu thei a ni.

Nula hmel\ha tak a ni a. |huama sawi dan chuan a mah ang a la hmuh loh thu a sawi a. A mit meng mawizia pawh tih hian a sawi, “ Hollywood film director phei chuan hmu se, a film star nulaho zawng zawng chu men mawi zirtirtu at^n a neih zawng zawng s>ng pawhin Rautinchhingi chu a ruai duh ngei ang.( Lalzuithanga 6)” tiin a sawi a ni.

Hmangaihna ngah tak a ni. |huama a inhmuhtir hma a\ang tawhin a lo veng reng tawh \hin a, “Muhil rawh I hah tawh em mai. Ti hian ka veng reng dawn che zuk nia.(Lalzuithanga 9)”tiin |uama a chulmu heuh heuh a ni. An inkawm theih nan a u theihna zawng zawng pawh a sawr chhuahsak a ni a. Chuvangin hmangaihna a ngah hle a ni. |huama nena an inhmuh theih tawh loh dawnah pawh a lungngai hle a. \ap chungin |huama a pawm vawng vawng a, a u pawhin a khawngaih em em a ni.

A fapa pawhin a la rawn hmu thei ve dawn tih thengin hun lo awm tur a sawi lawk a, thiltihtheihna mak tak chu a nei a. |huama nen an inhmuh \antirh lai vela Kawng thlang a\anga Keipui lian deuh ko chhuaktu leh Sainghovar hmanga no siam chhunga zu te kha a ma thil tih ni ngeiin a ngaih theiha chuvangin mihring ai chuan thil a tithei zawk a, Mahse, hmangaihna avang chuan Mihring nih ve a chak thung a ni.

3.      RAUTINCHHINGI U:

Ani hi a lang tam lo hle mai a. Mahse, pawimahna lian tak erawh a nei. Lasi Lal a ni a, thiltihtheihna \ha tak a nei bawk. Rautinchhingi tan hian a thawk nasa a, |huama a hmuh theih nan leh a biak theih nan a thiltihtheihna zawng zawng a hmang a, a nau tan hian a thilphal hle mai a. A nau hi a hmangaih hle a ni tih a hriat theih bawk. A nau an chul muhil te, a nau lungngai hmel a hmuha a khawngaih dan a\ang ringawt pawh hian Lal fel tak chu a ni. Thawnthuah hian ani tello chuan a famkim lo hle ang.

He thawnthu tawi (short story) chhungah hian changtute an tam lo va, Mi pali ti ila; pathum zawk pawh an ni hial ang. |huama leh Rautinchhingi hi a lang a, Rautinchhingi u a \um hnih rei lo t> t> a lo lang ve a, abak chu a changtute pahnih hi an ni mai a. Lemchan innghahna pawh an ni.

Sawi tak angin Aukhawk Lasi  hi thawnthu tawi (Short story) kan neih hmasak pawl a ni a, short story kan neihah chuan a \ha pawl tak a ni. A \hatna hrang hrangte lo sawi dawn ila:

1.      THAWNTHU RUANGAM (PLOT CONSTRUCTION):

Short Story nihphung tur dik takin a tawi a, “Prof. Brander Mathews chuan, “Short story-in a tum ber chu a tawi thei ang bera tu chanchin emaw, tu chunga thil thleng chanchin emaw uar taka tar lan hi a ni a; mi ch>kngel takin ren taka pawisa a hmang a, thil \<l l>m lo lei nana pawisa a hmang ngai lo ang hian short story pawh hi renchem taka thawnthu ziakna hi a ni e, (Literature kawngpui 303)” tiin Dr.K.C.Vannghaka chuan a sawi. Chutiang chiah chuan Lalzuithanga pawh hian thawnthu hi renchem takin a din a, a thu phochhuah chhun erawh \awmhnawng deuh tih tur a awm lo a ni. A tawi a, phek (page) 11-ah a khung leng a. Mahse, a funkim \ha em em thung a ni.

Plot penhleh (sub plot) a awm lo va, Main plot hi a mahin a awm ruang a, chu chuan thawnthu a khaikhawm \ha hle a. Character-te nen pawh a inthlun zawm \ha (Well-united) em em a ni. A thubul pho chhuahna (Exposition)-ah hian Zualko kal a ngai a, Tah chuan a changtupa(Hero) |huama leh a \hianpa chuan Zualko turin zanah la la Kelsih a\angin Aizawl lam panin an chhuak a, |huama \hianpa chu a ke ulh avangin a kir leh a, A \ul >m avangin |huama chu a mahin a kal ta chiah a ni. He thubul in phochhuak nalh luttuk tak mai hian thawnthu, nghakuaia sangha hlin ang maiin a hling ta chat mai a. Rautinchhingi nen an in tawn phah ta chiah a ni. |huama \hianpa hi ke ulh lovin |huama hi kalpui ni ta se, thawnthu a ti khawlh kham vek dawn a ni.

Harsatna a dah thiam bawk a. Lasi leh Mihring inkarah hmangaihna a rawn piang chauh va, Chhunah Rautinchhingi chu |huaman a hmu thei lo va, chu chuah a ni lo; \um hnih ai tam an inhmu thei lo bawk a ni. Kha mi chh<ngt> khan hmangaihna mak chhuisen lohin an inchul nel hmana chutak maiah chuan an inhmuh theih tawp zan a lo liam chuan an khawngaihthlak dun ta hle mai a, chhiartute rilru a dek zar mai a, mittui a kai chhuak ta \iam \iam a ni. Lalzuithanga then thiamna tak pakhat a ni bawk.

Rautinchhingi u lo lang hian \henkhat rilruah chuan buaina a thlen thuai a, |huama hian inel pui tur a nei dawn ta em ni tiin an rilru an lo kau hman a, chutia hriat chak em ema an awmna chu ziaktu then thiamna chu alo ni ta a, beisei lawk loh(Unexpected conversion) kha a lo lang a, Rautinchhingi ka a\angin |huama hmelma tur ni lovin, Rautinchhingi u, an mahni puitu a lo ni zawk a. Thawnthua mi pawimawh tak kha a lo ni reng mai bawk a ni.

2.      CHARACTER A DIN THIAM:

Plot-in a duh ang takin Character a din thiam a. |huama hi Lasi chungchangah hriatna nei \ha tak chu ni ta se chuan thawnthu hian  lasi nihphung tarlan a duh hi a sawi chhuak thei hauh lovang a, chu lohah a ti awihawm loh vek dawn a ni. |huama Lasi chungchang a hriat vak loh avangin Rautinchhingi chuan lasi nihphung chu a hrilh ta a, chhunah chuan mihring mit maiin an hmuh theih lo va, tin Lasi nena cheng ho turin dawi lam zu in a ngai a, Lasi ten khaw hran an lo nei tih  kan hre thei ta a. Chutah chuan |huama hian plot hi a pui nasa hle a ni.

Rautinchhingi  nuhnap mai leh nelawm taka an awm a, |huama Ngai thing kung tar tawh tak a\anga a lo nuih velte leh, “A va mak ve le ka khua a har tehlul nen, I kal leh mai dawn a ni maw?(Lalzuithanga 4)” an ti velte hian Lasi nihphung tur kha a ko chhuak \ha viau a ni. |huama a ngaihsak thiam dan te leh pangchang taka a mittui a tla zung zung paha |huama a kuah vawng vawngte hian plot-in a duh dan takin Character hi din a ni a, chak zawk awm lovin a \hiangin an kal duna a fuh hle a ni.

Rautinchhingi u, mi zaidam khawngaihna ngah tak leh a nua hmangaihna ngah tak a ni hian a plot a pui nasa hle a. Lasi lampang hrim hrim hlauhna aia khawngaihna a lo len zawk theihna atana mi \angkai tak a ni hrim hrim a. Mihring ai chuan thiltithei zawk pawh lo ni se, mihring nih an ch^kzia tilangtu atan pawh mi \angkai tak a ni bawk.

3.      PICTORICAL QUALITY A NEI |HA:

Engpawh hi ziak ila thu phochuah (Presentation) hi a pawimawh ber fo va. Christopher Merlowe aia William Shakespeare-a lar zawkna leh mipui idol a nihna pawh a thu phochhuah a \hat \hin vang a ni. Lalzuithanga pawh hi hemi kawngah chuan a duai lo hle mai a. A presentation a \hat >m \hin avangin a thawnthu pawh hi ahmuna hmuh ve tluk hialin chhiartute a dah thei a ni. Chumi awmzia chu thil sawifiah a thiam a ni. Aukhawk Lasi  -ah hian Rautinchhingi hmel\hat dan leh duhawm dan felfai takin a tarlang a:

“Aukhawk hnuai, Ngai kung tar tawh tak ^wnah chuan nula sam dum \ha tak mai, ngo leh V^r em em mai, saruak, engmah khuh miah lo, pianfung mawi ze mai hi a \hu a… a \hatzia chu Lawnglaii an sawi chu nep te niin ka ring . Chuti taka nula hmel\ha leh pianfung duhawm chu mihring zingah tun thleng pawh hian ka hmu leh ngai tawh lo va. (Lalzuithanga 4)”  an tite hi a chiang em em a. Tin, Rautinchhingi u-in Rautinchhingi duat taka a chul lai vel a sawi hi a chiang  khawp mai, “Rautinchhingi taksa-ah chuan a han phuh seng seng a. Chutia ka en reng lai chuan a dangda tulh tulh a, tlangval hmel\ha tak mai chu a ral ta riai riai mai a ni. (Lalzuithanga 8)”  a han tite hi a hmuna awm ve ang hialin a chhuah thiam a h>ngte hian thawnthu a tingaihnawm em em a ni.

Lalzuithanga suangtuahna hi a pui hle mai a, A setting-ah hian Ngaizel hmun leh Aizawl a hman rual hian lemchan innghahna tak khawvel hran hlawk |huama pawhin a la tlawh ngai lohna, Lasi awmna te, Rautinchhingite in te a awm a. hetiang Fantasy world thar din hi R.Zuala ziak Rauthlalengah pawh a din a, a pui hle a ni. Eldorado te, Future in the past te, sixth day –ah te chuan Fantasy World  din a ni a. Hetiang Mizo short story  hmasa pawla kan lo nei ve mai pawh hi a ropui hle a ni.

A \hatna lai tam tak a awm a, a \hat tawk lohna(Demerit) lai pawh a awm ve bawk a, tlem kan han thai lang ve dawn a ni.

1.      |AWNGKAM (DIALOGUE) FUH TAWK LO:

Phek kua-naah Rautinchhingi chuan |huama hnenah, “Nichina i lo luh laia awm kha, ka u a ni a; Kan Lal ber a nih kha.(Lalzuithanga 9)” tiin a sawi a. Hemi hma hian |huama hian Rautinchhingi u-in Rautinchhingi a muhil chu a lo chul heuh heuh a, a taksaahte chuan a thil in chu a phuh seng seng a ni. Hetihlai hian a la muhil reng a. Rautinchhingi u a bo tawh hnuah |huama hi a bulah a awm reng a, “..abulah chuan ka han \hu a, ka han pawm tho va. Ani chu a lo harh a.(Lalzuithanga 8)” a ti a. |huaman a u a lo hmuhsak lai hi Rautinchhingi muhil khan a hre dawn hauh lo va, |huaman a pawm hnuah chauh a lo harh a nih avangin Phek kua-naa a thil sawi khi a fuh ta lo a ni.

2.      THU PHOCHHUAH (PRESENTATION) FUH TAWK LO:

“..Ka han en chuan engmah ka hmuh loh av^ngin ka mangang deuh hle a. Ka han tho va, ka han koh chuan bang chhung lam a\ang chuan min chhang a..(6)” tiin a ziak a ni. Heta bang chhung

a tih hi Rautinchhingite in bang kha a nih hmel a. A hmain |huama hian an in hi a hmu thei lo va, chumi awmzia chu mihring mitin a hmuh theih loh a ni. Ni a lo chhuah t^k hnuah chuan Rautinchhingi chu |huama chuan a hmu thei ta lo va, Rautinchhingite in pawh chu a hmuh theih awm loh tur a nih lai khan In bang kha a la hmu thei reng ta a, a thawnthu nen a inhmeh ta lo a ni. A chhan chu chhun engah pawh khan In chu a la hmu thei dawn tihna a ni a, Kha in hmu tur khan tihdanglam kher a ngai dawn lo tihna a ni. A fuh ta loh a ni.

3.      SETTING NENA INMEH TAWK LO :

A hunlai (Time) hi ngun taka kan en chuan inhne rem lo thil a awm a. Phek sawm pakhatna a tawpah khan |huama chu Luiah a zuang thla a, chumi hnuah an veng zawlbukah a lo mut reng thu kan hmu a ni. Hetah hian zawlbuk a rawn hman hi Mizoten zawlbuk kan neih, tlangvalte riah khawmna \hin kha lo ni ta se, H>ta phek 8-naa Rautinchhingi duhawmzia sawinaah khan, “ Hollywood film director phei chuan hmu se..” tih kan hmu a ni. Hollywood-te hre tawh chinin zawlbuk an la neiin a rin awm tawh lo va, Hollywood mizoten kan hriatna tak tak chu Network channel kan neih a\angin a ni. Hetih hunlai vel hian T.V lo nei tawh pawh ni se, Doordarshan tih vel bak a la nih a rinawm loh a ni. Helaiah hian a khawi maw zawk chu a dik tawk lo deuh a ni.

4.      FANTASY WORLD FUH TAWK LO:

Phek kua-naah chun Rautinchhingin |huama chu Lasi chennaah a hruai a, hmun nuam tak a ni a, Pangparte pawh a la hmuh ngai reng reng lohte an ni hlawm, thla pawh a eng nuam viau a ni. “Mahse, mi dang tu mah an awm ve lo. Ch>nna in pakhat mah a awm lo va, luikam lungpui chungah chuan kan \hu a..” tiin a sawi a. Lasi ch>nnaa hruai ve si hian Lasi tumah an awm hmuh tur a awm lo hi a fuh lo hle mai a. Lasi awm loh hi lo ngai thiam pawh ni ila, Lasi nena in kungkaih tlat ramsa reng reng hmuh tur awm lo hian Ruatinchhingi Lasi tak tak a ni lo a niang tih min rinhlehtir hial a ni. Chuvangin helai a Fantasy World tak hi chu a fuh ta lo hle a ni.

Eng pawh ni se, Aukhawk Lasi  hi thawnthu tawiah pawh thawnthu tawi fel leh \ha tak kha chu a ni hrim hrim a. A hunlai leh tun hun thleng pawha kan ngaihtuah chuan Thawnthu tawi kan neih \hat ber berte zinga mi chu a la ni reng a, Mizo nunphung leh kan rilru suangtuahna pawh a pho chhuak \ha viau a ni.

WORKCITED

Department of Mizo (MZU). History of Mizo Literature

Department  of Mizo, Theory of Mizo Literature

Dr. K.C.Vannghaka, Literature Kawngpui

Lalzuithanga, Aukhawk Lasi.

BIBLIOGRAPHY

1.      Vannghaka.K.C.Dr, Literature Zunzam . Vanhlupuii Bawngkawn. Lois Bet Print.First Edition 2014.Printed.

2.      Khiangte, Laltluangliana, Dr. A study of Mizo Novel. Cambrige Press. 2014. Printed.