Folk Narrative in Thu leh Hla a Tih Hausak Dan

Mizo te hian thawnthu tam tak kan nei a. Heng kan thawnthute hi hawrawp kan neih hma leh ziak leh chhiar kan thiam hma a\ang tawha hmanlai a\anga \awgkaa kan lo inhlan chhawn \hin thawnthu te a ni hlawm. Heng hi hnam hrang hrang pawhin an nei ve a, hnam chanchin hriat nana thil pawimawh tak anih rualin literature huanga kan bul \anna anihna chin pawh a awm awm e.

Folk-narative chu hnam thawnthu, hmalai a\anga \awngka hmanga kan lo inhlan chhawn, kan hnam nun leh zia keng tel thawnthu hi a ni a. Folk-narative huangah hian thil bul thawnthu (myth) kan tih te, mi huaisen leh ropui te chanchin (legend) kan tih leh rochun thawnthu (folk-tales) kan tih te hi a leng vek a. Heng thawnthu khaikhawmtu ber chu Folk-narative hi a ni awm e.

Kam pi leh pute khan zirna hmun leh ziak leh chhiar thiam lo mah se zawlbuk leh puipunna hmun \henkhata upa ti ti leh, nu leh pate’n an fate an hrilh thu leh hla tam tak an lo nei \hin a. Chungte chu inhrilh chhawng zelin tunlai hun thlengin kan lo hriat phah ta a ni.

Folk-narative hian kan literature ah hun pawimawh tak a luah a, chutih rual chuan kana hlutna hrefiah lo kan awm nual bawk. Literature sawifiahna, kan mithiam ten an chhawp chhuah tam takah chuan ‘ziaka dah’ ngawr ngawr an huam tir thin. Mah se heng oral lterature te hi kan hnam thu leh hla pawimawh ber anih avangin heng hi kan literature zingah chhiar tel lo theih loh a ni a, chutih rualin tunlai hunah mi \hahnemngai ten kan thawnthu hlui te lakhawmin a bu in an siam ta a. Hei hi thil lawmawm tak a ni.

Folk-narative in kan hnam thu leh hla atih hausakna hi kawng hrang hrang sawi theih a ni a. A pawimawh leh langsar deuh deuh te kan thawnthu behchhanin kan tarlang dawn a ni.

1.      Pi pute khawvel kan hriatna:

Thu leh hla hi mihring nun inbunruana pawimawh tak a ni a, chuvangin a neitute nunphung milin a kal \hin. Mihring nun chu darthlalang fiah tak hmaa lang angin kan thu leh hla hian miun chhawp chhuah sak \hin a ni.

Chutiang chiah chuan hmanlai kan pi leh pute thawnthu kan neih te hian an khawsak phung leh hawiher te, an duh leh ngainat zawng te min hrilh a. An nun chu fiah takin kan lo hriat theih phah a ni. An khawtlang inawp dan te, an ngaihsan leh ngaihhlut zawng chenin kan hre thei.

Heng kan pi pute nun leh khawsak phung kan hriat a\ang hian kan thu leh hla kal hmang nasa takin min siam sak a. Literature leh mihring nun hi inlaichin tlat anih avangin hetiang mil hian kan thu leh hla chhuah tawh te leh chhuak mek te hi a kal a. Zirtirna kawng leh nundan \ha zawk inkawhhmuhna kawngah pawh kan pi leh pute thawnthu kal pui dan zuiin kan la kal zel niin a lang.

Mauruangi thawnthu a\ang hian kan pi leh pute chu lo neia khawsa a, tuk chhuaka hna thawk \hin an nih zia te kan hmu a. Lal te ropui zia leh hnamchhawm an hmuh dan Lianchhiari leh Chawngfianga thawnthuah te, Laltheri leh Chalthanga thawnthuah te kan hmu bawk a. Chawngmawii leh Hrangchhuana thawnthu te, Lianchia thawnthu a\ang te hian khua leh khua indo a, inrun \hin an nih zia chiang takin kan hmu bawk.

Pasal\ha dinhmun chu khawtlanga dinhmun pawimawh ber anih zia leh mipa tam tak inelna anih zia te, tlawmngaihna chu an nun inzirtir ber anih zia pawh kan pasal\ha ropui tak tak Vanapa te, Taitesena te, Chawngbawla te leh midang chanchin a\angin kan hre thei bawk. Heng mite chanchin hian tunlai kan thu leh hlaahpawh hmun ala luah reng a. An khua leh tui tana inpekna te, an huaisenna leh turuhna te chuan \hangtharte nunah hmun a luah a. Thawnthu thar (fiction) leh hla phuahna kawngah pawh tlawmngaihna leh huaisenna pawimawh zia chuan kan thu leh hla a la luah a, a luah zel dawn  a ni. Heng hi kan pi leh pute nun kan chhawm, nun \ha leh \ha lo zirna kawng pawimawh tak a ni.

2.  |awng upa/\awng dik vawng himtu:-

Kan hnam \awng hi khawvel hmasawna hrang hrang avangin a danglam zel a. Hmanlai kan \awng hlui tam tak chu kan hriat thiam loh mai bakah kan hriat ngai loh tam tak te a ni hlawm. Chung te a\ang chuan kan \awng hlui leh un te, an hman dan leh lo chhuahna kan hriat phah a, chu chuan kan thu leh hla nasa takin a ti hausa a ni.

Tlawm makah Vanzema a thi tih thu te hi kan \awng upa neih a ni a, \hangthar tam takin kan hriat ngai loh a ni. Vanzema tlawm la chuan a thih phah tih kan thawnthu a\angin kan hre thei a. Khuangchera bo tih te, Chhura umpui mu hriat kan tih ang te hi kan thawnthu a\anga \awng kan neih te a ni hlawm. Heng hian kan thu leh hla a ti hausa a, kan thawnthu hriatna kawngah min puih bawk.

Tin, kan thawnthu hlui tam tak a\ang hian \awng dik zawk leh tunlai thlenga inhnialna siam thei te \helna \ha tak a ni a. Kan thawnthu hlui neih a\anga kan hriat belh tam tak a awm phah bawk. Mizo nuna pawimawh tak Mim kut lo chhuahna leh thlaichhiah kan lo chin \anna te pawh Tlingi leh Ngama thawnthu a\angin chiang takin kan hre thei bawk.

Raldawna leh Tumchhingi thawnthua Raldawna’n a nu hnena vani an rah hmin sen anga hmel\ha nula an awm leh awm loh a zawh a\ang te hian hmanlai nula hmel\ha tehkhinna sawifiahna atana vani-an rah sen an lo hman \hin thu te kan hre thei a. Heng thawnthu a awm chhung chuan kan \awng dik leh hlu tak tak hi vawn nun leh hriat reng a hlawh ang.

3.  Hla \ha tak tak rawn chhuahna a ni:-

Mizo te nunah hian thu leh hla hi a kal kawp tlat a. Kan hla hlui tam tak hian thawnthu ngaihnawm tak tak a neih rualin kan thawnthu tam takah hian hla \ha tak tak kan hmu bawk.

Mizo thawnthu tam takah hian \awngka aia hla hmanga inchhanna leh, an lunglen leh an tawrhna te hla hmanga an puan chhuahna kan hmu hlawm a. Heng hi hla hlui kan hriatna hnar leh kan hla hlui vawng him tlattu te an ni hlawm.

Chawngvungi leh Sawngkhara thawnthua Chawngvungi lunglengin hla hmanga lunglen thu a hrilna-

     Ka nu, ka lenrual ten zing sum an su,

     Vartui thiang an chawi;

     Sawnga ngaiin bantlang ka uai e

tih te leh hla dang tam tak kan hmu.

Dungtlang lal fanu hmel\ha Lianchhiari leh Chawngfianga inkara hmangaihna par chhuang tur pali rinawm lohna avanga Lianchhiri lungleng hl tam tak te hian kan hla hlui ropuina leh hlutna min hriat tir mawlh se la, lunglen tawrh hrehawm zia a ti chiang hle.

Sailo lal hmingthang Lalsavunga fanu Laltheri’n Chalthanga a sunna hla tam tak te hi an thawnthu a\anga kan hriat leh an hla kan hriat chhianna a ni mai awm e. Chalthanga lu an khaw kawta an tar a han hmuh chuan

     Ka chun leh zua suihlung in mawl lua e,

     Kan sumtualah \hadang thlunglu, hawihten in tar e

tiin, a silh leh fen phelhin a \ap rawi rawi a, a chhungte thawmhnaw inbel tura an ngen lawm lawm lai chuan,

          Ka nemte puan ka chawi lovang ka nu,

          Ka di \hadanga zalna mah, chhim lei tual dai

tiin a lunglenna a rawn bun chhuak a. Mizo zai hmingthang leh hriat reng a lo ni ta a.

Heng bakah hian Duhmanga leh Dardini thawnthua hla tam tak kan hmu te, Dar\hiangi leh Chertuala thawnthu a hla kan hmuh te, Fiara leh Dari thawnthua kan hmuh te leh hl adang tam tak te hian kan thu leh hla a ti hausa a, kan hla hlui hriatna leh vawnhim kawngah pawh an \angkai hle bawk.

4.  Thu leh hla thar hringtu a ni:-

Kan thawnthu hlui tam tak hi ziak thawnthu kan lo neih hringtu pawimawh tak a ni. Thawnthu phuah thar (fiction) huangah te, hla leh lemchan huangah te hun pawimawh tak an luah a, kan thu leh hla tihausatu pawimawh tak a ni.

Pasal\ha Khuangchera lemchan thawnthu te, Darlalpuii lemchan thawnthu leh Liandova te unau lemchan thawnthu leh lemchan thawnthu \henkhat kan lo neih theihna chu kan thawnthu hlui behchan a\angin a ni. Kan thawnthu hlui \ha tak tak behchanin lemchan ziak mi ten an rawn duang chhuak a, tichuan lemchan thawnthu \ha tak tak kan rawn neih phah ta a ni.

Chutiang bawk chuan hla lamah pawh kan thawnthu tam tak hi hla thuah zeh tel a ni a. Hla thawnthu leh hla ruangam atan kan thawnthu hluite hian hmun a luah reng bawk. Chawngmawii leh Hrangchhuana inhmangaihna a\anga hla tam tak lo piang ta te, Khawnglungrun hla \ha tak mai lo chhuahna leh thawnthu hla \ha tak tak chhuak te hi kan thawnthu hlui te a\anga kan neih leh lak chhawn a ni bawk.

Tin, tun hma deuh leh tunlaia novel chhuak tam taka kan thupui ber leh chhiartute pawhin kan tuipui chu nula leh tlangval inhmangihna lam a ni. Heng hi kan thawnthu hlui lama tam tak hi anih avangin chung zul zui chuan heng lam thawnthu hi kan lo neih belh zel kan ti thei bawk ang. Heng a\ang hian tunlai huna kan literature hi kan thawnthu hluiin nghawng a neih thui zia chiang takin kan hre thei a ni.

     Khang kan sawi bakah khan kawng tam takin kan thawnthu hlui ten kan hnam literatue a tih hausak dan a awm thei ang a. Kan thawnthu hriat a pun ang zelin ngaihdan leh kalhmang thar piang zel thei niin a lang.

Thawnthu hian kan nun a la luah reng dawn a, kan tu leh fa lo la awm leh zel turte pawhin kan piu pute thawnthu hi in awih tlei nan an la hmang zel ngei ang. Chutiang khawpa Mizo nun nena kal kawp anih avang chuan kan hlut thiam a pawimawh a, tih lar leh vawnhim kawngah nasa taka \an lak kan ngai a ni.

Lehkhabu rawnte:-

1.   Thanmawia RL               -        “Mizo Hnahthlak thawnthu” Volume 1-III, Din Din Heaven Publication, Ramhlun South, Aizawl-2009, 2010

2.   Zofa Lalhmachhuana     -        “Mizo Thawnthu” Vol-1, 6^th Edition, Zofa Run, Elecric Veng-2010

3.   Thanmawia RL               -        Mizo Hla hlui, Din Din Heaven Publication, Ramhlun South, Aizawl-2012

4.   MBSE                            -        Mizo, Class 12 zirlaibu, 2012

Tribal Research Institute-        Pasal\ha te Chanchin