Lalzuithanga Aukhawk Lasi Thlirna

I.                   Sawihawnna :

Thu leh hla khawvel ah Thawnthu tawi hian ngainat a hlawhin hriat l^r a hlawh em em a. Heng thawnthu tawi te hi ‘short story’ tih a ni mai \hin. Short story hi thawnthu phuah (fiction), novel ziak dan kalhmang ang bawka tu chanchin emaw sawina a ni a. Heng short story te hian novel te ang bawkin ruhrel (plot) te, a changtu (character) te  nei ve thlapa thil lo thlen dan tlangpui tarlanna a ni.(qtd. In Literature Kawngpui,300)

Short story hian hriat l^r hlawh viau mahse a lo chhuah hun tak chu Thu leh Hla p>ng dang ngaihtuah chuan a la rei lo hle a, Chaucer-a te khan hla thu hmangin hetiang chi  hi kum 1340-1400 A.D khan an lo phuah tawh na in Rap Van Winkle thawnthu kum 1660 hnulam fea chhuak hi English ho chuan an thawnthu tawi lo chhuahna ah an ngai a ni. Tin 1824 a Sir Walter Scott-an ‘Wandering Willies Tales’ tih lehkhabu a chhuah chu Tunlai huna thawnthu tawi (modern short story) lo chhuahna an ti bawk.

II.        Lalzuithanga

Lalzuithanga hi Mizo thu leh hla tuipui tan chuan hriat loh tur a awm awm love. Kum 1916, April ni 16 ah Kulikawn ah a piang a, a pa chu Upa Chawnghnuaia a ni. Thiamna lamah chuan pawl 8 thleng a zir a. Nimahsela pianpui thiamna a hmanthiam bakah nunphung man chak tak a ni a. A kut themthiamna pawh hian hriat a hlawh hle bawk. Royal Indian Air Force ah te hna a thawk \hin a, chumi hnu ah a sumdawng leh a ni. Hetia sumdawnga a zin veivahna ram Kunchunpore ah kum 34 mi chauh ni in 1950, Sept 28 ah lungphu chawlin a boral ta hlauh a ni.

Lalzuithanga hian thu leh hla lamah pawh hnuhma a nei tam hle a. a larna tak leh hriat halwhna tak pawh a ni. Thawnthu ziah leh hla phuah ah a hming a chherin zofa te tan thu leh hla \ha tak tak a hnutchhiah a. A thawnthu ziah te hi short story tiamin 17 lai a tling a. Thawnthu(novel) mai piah lamah lemchan ah pawh hnu hma \ha tak tak a nei nual bawk a ni.

Lalzuithanga thawnthu ziah hrang hrang te chu :

i)                    Aukhawk Lasi

ii)                  Eng dan nge?

iii)                Min hriat reng nan

iv)                Khawfing chat

v)                  Tu mahin hriat loh tur

vi)                Enge pawi?

vii)              Tu thiam loh nge?

viii)            Kohna hmasa ber

ix)                Ka nu

x)                  Sual man

xi)                Thubuai (criminal)

xii)              Thuruk

xiii)            The Black Corner of Aijal in 1999 (drama) te an ni. Heng bakah hian hmuh theih loh engemaw zat ala awm bawk (B.Lalthangliana, Lalzuithanga kutchhuakte zirchianna)

III.       Aukhawk Lasi

He Aukhawk Lasi thawnthu hi thawnthu tawi tia sawi tham lek, lehkhabu ah phei chuan phek 20 pawh tling lova ziah zawh vek theih a ni a. Chutih lai chuan thawnthu ngaihnawm tak a ni thung a, Lasi chanchin ngaihnawm tak ziah lanna a ni. He thawnthu hian mihring leh Lasi te inkara inlaichinna chu ngaihnawm takin a tarlang a. Chumi piah lama kan thawnthu neih \hin te ang lo takin mihring leh Lasi danglamna te, cheng ho thei kan nih loh zia te a lantir chiang hle bawk.

Kan thawnthu dang thlirin Lasi leh mihring hi an inneih pawlh nawk \hin a. Chawngtinleri hial pawh mihring a ni chungin Lasi ah a chang a, Lasi Lalnu hial a ni thei a. Nimahsela he thawnthu hi chuan thlir dan dangin Lasi te khawvel hi a tarlang a, mihring nen chuan an inkarah inhmangaihna thuk tak pawh awm mahse tisa kawngah an danglam avangin inneih pawlh a theih loh a ni tih a tarlang a ni.

Tarlan angin he thawnthu hian Hmangaihna chu laimu atan a hmanga, a changtupa ber |huama zualko kal chu Ngaizel pheiah Lasi hian a lo tiding, an inkarah inngaihzawnna a lo thleng ta a. |huama hian Lasi te chenna hmun hi tlawh ve bawk mahse a chhungril tak chu a lut thleng lo ni in a ngaih theih a, tunlai hun anga zana chhit tur >ng an neih hma daih a ni chung hian Lasi te inchhung chu zanah pawh a eng un mai niin a sawi a, hei hian Lalzuithanga thil thlir thui zia a tarlang chiang hle in a ngaih theih.

IV.       Setting :

Thawnthu ziaha an thlir tel ziah chu eng hunlai behchhana ziah nge tih hi a ni \hin. He thawnthu hi a behchhan kum tak hriat har viau mahse kum 1950 emaw bawr vel niin a ngaih theih a, a chhan chu Ngaizel (kulikawn piah lam) phei hi ngaw dur \ha tak a la awm ni a tarlan a nih vang a ni.

A ziaktu tarlan dan phei chuan tuna Kulikawn veng pheiah pawh hian tun angin In hmuh tur a awm lova, thing leh mau hlir a la nih bakah tun angin an daidar lo niin a sawi a. Chuti a nih chuan he thawnthu hian kum 1950 emaw a hmalam emaw a behchhan niin a hriat theih a ni.

He thawnthu hian lantir \ha tak tak a nei a, chung zinga pakhat chu Lasi te khawvel hi a ni. Mizo te thawnthu ah hmasang a\anga Lasi pawimawh zia a lang nasa em em \hin a. Chutih lai chuan Kristianna kan ramah a lo lut a, Lasi te khawvel chu Ramhuaite khawvel ang ziazanga chhuahin kan kalsan ta duak a. Thawnthu ah reng reng telh tumna pawh kan nei meuh tawh lo. Nimahsela Lalzuithanga hian Lasi te chu a tak ram ang maia lo tarlangin Mizo tana an pawimawh zia chu lang lovin a tarlang a tih theih a. Hei hian mizo thil hlui vawn nun kawngah nasa takin hma min sawn pui a tih theih ang.

He thawnthu hi Mizo nunhlui leh nunthar in\hen hunlaia nunhlui leh thar zawmtu pawimawh tak a tih theih a. A chhan pawh changkanna leh kristianna luh hnu a Lasi te khawvel leh mihring nun inlaichinna thiam taka a tarlan vang hi a ni. Hei vang hian he thawnthu hi mizo thawnthu zinga pawimawh tak, danglam tak leh zir tham tak a tling a ni.

V.        Plot

Plot ti-a kan dah hi a thawnthu ruangam hi a ni.  Thawnthu tawi hi novel kaih tawi  a ni mai lova, plot te character te hmunhma te nei ve thlap a ni  a, (qtn in Literature Kawngpui, 303) He Aukhawk Lasi pawh hian ruangam \ha tak mai a nei a, Lungngaihna-a in\anin Lungngaihna bawkin a tawp a. A thawnthu chhungah erawh mihring tawn ropui theih ber hmangaihna nasa tak leh lawmna nasa tak a inzep thung a ni.

A changtupa ber |huama hi zualko turin a \hianpa nen Kelsih a\angin an chhuak a, a \hianpa lah chuan a ke a ulh a vangin a hawsan leh zel a. Mahni chauhva ramhnuai pilrila zualko kal chu hreh hle mahse tlawmah a la a, amahin |huama chu a kal ta a. Ngaizel pheiah Lasi chu a tawng ta nawlh mai a, hlimna nasa tak an chen dun hnuin Lasi te khawvel leh mihring khawvel a hran miau avanga awmdun thei ta lovin hreh tak chungin an in\hen leh ta tih kan hmu a. He thawnthu hi a kal m^r \ha hlein a lang a, chutih rual erawh chuan lawmna leh lungngaihna nasa tak kan hmu ve ve te hian ruangam \ha tak a neih zia a tarlang chiang hle in a hriat a ni.

He thawnthu hi lungngaihna-a tawp chi kan tih ang hi a ni a, nimahsela a ngaihnawm a, a thawnthu hi zan hnih chhunga thil thleng lek a ni chung hian a thawnthu bul in\an dan te, Lasi nena an inkar in\an chhoh dan te bakah an hlimna vawrtawp a thlen chhoh tak dan te hi ruangam mumal tak leh fel tak nei a tih loh theih loh a ni.

VI.       Character

            Thawnthu awm tur chuan tu emaw changtu an awm angai a, chu chu character kan tih hi a ni awm e. He thawnthu ah hian changtu tia chhal theih hi Pathum chauh an awm a. Chung te chu |huama, Rautinchhingi leh Rautinchhingi laizawn hi an ni mai a. Nimahsela heng character pathum, a bikin |huama leh Rautinchhingi te hian he thawnthu hi an kaihruai hneh hle a, he thawnthu kaidingtu ber an ni te pawhin alang thei a ni.

            |huama hi mihring a ni a, Rautinchhingi erawh Lasi a ni a. Nimahsela an inkarah hmangaihna a piang tlat si a. Hei vang hian an inkar harsatna leh hmangaihna hi he thawnthu hian a lo tarlan ber a nih phah a. Thawnthu \ha tak a nih rualin thawnthu ngaihnawm tak a ni. Character hi an tam lo na in hetiang thawnthu tawi angah chuan character tam hi a rem lo mah zawk niin angaih theih a, hei vang hian a changtu tlem te chauh tarlan an ni hian he thawnthu hi a tihdal phah lo hrim hrim a ni.

            Heng kan tarlan tak pathum setting, plot leh character te hi thawnthu tawiin a ken tel ngei ngei ni a ngaih a ni \hin a. Chutiang a\anga thlir chuan he thawnthu hi tawi viau mahsela thawnthu \ha leh ngaihnawm tak a ni tih hi a pawmawm hle a, thawnthu tawi zingah pawh funkim tho si leh ngaihnawm tho si a ni tih a lang thei nghal a ni.

VII.     Thlirna Tlang Dang

            He thawnthu hi Chhura buh thlir taka han thlir chuan a tluangtlamin a \ha purh mai  ni hian a hriat a. Thil  awihawm loh leh ni thei lo anga lang pawh a lang mam zur vek thei hial a ni. A changtu kan hmuh chhun pathum zinga pahnih hi Lasi, mihringte khawvel piahlama cheng, thil tithei tak an nih avang hian he thawnthua thil awih awm loh leh super natural thil anga ngaih theih tam tak te pawh hi a ngaihdam theih vek phah a. Dawi thil anga ngaih theih tam tak pawh Lasi khawvel a nih miau avang hian thil thleng thei pangngai angin a ngaih theih vek phah a ni.

            Lalzuithanga hi mi thil thlir zau leh tunlai \awngkam taka ‘advance’ deuh mai a ni a. A thawnthu ziah dang reng reng han thlir pawh hian midang anga thawnthu tluang pangngai anga ziah satliah mai ni lo a ni deuh fur hlawm a. Mizo ten thawnthu lama kan neih loh tak Thlahrang lampang te, Thil chhuina (detective) lampang te leh criminal thil te a ziak a. A thawnthu pakhat Phira leh Ngurthanpari pawh hi mizo nunphung tarlanna \ha tak a ni tel bawk ang.

            Sawi tawh angin he thawnthu Aukhawk Lasi pawh hi thawnthu ziahchhuah anga kan neih zen zen loh leh folktales anga kan neih a nih lai hian he thawnthu hian nunhlui khawvelah nunthar a hruai kir a, hetiang thawnthu tunlai mil taka phuah ni bawk si a ngaihtuah chhuak thiam ringawt pawh hi a fakawm hle a ni.

VIII.    Tlipna

            Hetianga kan thawnthu ziaktu hmasa pathum zinga pakhat Lalzuithanga’n ngaihtuahna zau tak neia thawnthu danglam tak tak a lo ziak nual hi mizo thu leh hla tan chuan malsawmna a tling a. He thawnthu pawh hian nunthar kan neih hnu pawha nunhlui kan theihnghilh loh nan leh Lasi te khawvel hi mizo khawvela an pawimawh zia a tarlanna a nih avang hian thawnthu rotling tlak a ni chho zel dawn a ni.

IX.       Lehkhabu Rawn Te

            Laizuithanga, Aukhawk Lasi

            Vannghaka,K.C. Literature Kawngpui. Bawngkawn: Vanhlupuii, 2010. Print

            Vannghaka,K.C. Literature Zungzam. Bawngkawn: Vanhlupuii, 2014. Print

            Thangvunga,R.(ed) History of Mizo Literature. Mizoram University: Mizo Department. 2013. Print

            Lalthangliana, B. Lalzuithanga Kutchhuak Zirchianna. Seminar Paper. Khawbung: Hrangbana College. 2014. Print.