Mizo Sakhuana leh Kristianna

I.                   Sawihawnna :

Khawvel ram hrang hrang leh hnam hrang hrang hian Sakhuana hi an la thutak in an buaipui ber pakhat a ni \hin a. Sakhuana lak vung luatah chibing inthahna te lam a thlen phah hial reng \hin a nih hi. Sakhaw \henkhat phei chuan sakhaw tana tualthah chu khawvel piah lama nun nuam zawk neihna emaw an ti hial a, chung mi te avang chuan khawvel ram hrang hrang hian thin thi-a mut an neih loh phah mek bawk.

Mizo te pawh hian Sakhuana hi ziak leh chhiar kan thiam hma daih tawh a\angin kan buaipuiin kan lo nei tawh a. Chung kan sakhua te chu kan be \hin. |henkhat chuan Ramhuai leh huai dang hi kan bia niin  an sawi \hin a, nimahsela heng huai te hi kan hlauh vanga kan inthawina an ni chauh zawk a ni.

Hetiang a nih avang hian Sakhuana hi kan nun chhungril luahtu a ni ti ila kan sawi sual tam lovang. Mihring hian thil awm lo chu awmin kan hria a, kan zawng a. Chutiang thil kan thinlungin a mamawh leh duh chu kan hmu thuai a, kan be ta \hin. Chu chuan sakhuana a lo hring a, rindan leh kaldan mumal tak nen hmer remin Sakhuana hi a lo chhuak ta \hin a ni.

Hetiang Sakhuana ah hian mihring hmuh theih loh thil, kan biak tur, mihring ai pawha thil tithei leh ropui zawka kan ngaih a awm a ngai a. Hemi piah lamah hian mihringte zingah pawh kan thil biaka tirhkah leh rawngbawltu, hruaitu emaw puithiam ang emaw mihring zingah rau rau an awm angai bawk a. Chumi bak chu sakhaw zuitu mipui emaw pawl ho emaw ang hi an ni ta \hin a ni.

II.                Sakhuana :

Sakhuana kan tih chuan rindan te, hnam bil kal dan phung te leh khawvel nuna mihringte tih tur inzirna lam hi a ni ber a. Tin sakhuana in a tum bulpui ber chu khawvel kan awm chhunga nun hlimna neih leh kan thih hnu khawvela nun nuam tak neih nan a ni kan ti thei awm e. Sakhuana hian lo chhuah chhan (beliefs) te, lo chhuah dan chanchin bik (sacred histories) te, entirna (symbol) bik leh nun in\an dan (origin of life) an nei deuh vek a. A chang chuan sakhuana hi rinna (faith) leh tih tur hriatna (set of duties) ang chauha sawi pawh an awm \hin. 2015 a poll an siam ah chuan khawvel mihring za zela 67 hi sakhua nei an ni a, 22% erawhin sakhua an nei lova. Tin za zela 11 erawh chuan sakhua awm an ring lo (ethiests) niin tarlan a ni. (qtn in Wikipedia/religion)

Khawvelah hian sakhaw ropui tak tak leh zuitu pawh maktaduai chuang nei hi  sakhaw chi hrang 20 zet a awm niin BBC chuan a zirchian naah a tarlang a, nimahsela he an zirchianna hi a rei deuh tawh avangin rintlak a ni tawh lo maithei. (qtn in bbc.co.uk/religion/religions)

Eng pawh nise sakhuana hi kawhvel kalphunga thil pawimawh tak chu a ni phawt mai a, tunhma kan pi leh pute sakhuana nen kha chuan tunlai sakhuana hi danglam deuh tawh mahse sakhuana hian zuitu neih tam lam aiin thinlung lamah a lo pawimawh hle tih a tarlang kan ti thei ang.

Kan vela sakhaw ropui tak tak pathum Hindu, Muslim leh Buddhism te rindan hi mizote rindan \hin nen chuan in ang lo tak an ni hlawm a. Hindu leh Buddish ho chuan misual chu a pian nawn leh chuan a hma aiin a chhe hret hret a, mi\ha erawh chu a hma aia \ha hret hret in a tawpah Pathian a fin niin an sawi a. Hetiang pian nawn lehna hi sakhaw tam tak rindan a ni mek bawk.

Mizo te chuan pian nawn lehna hi kan rinna ah hmuh tur ting chuan awm ve mahse kan thupui ber a ni lem lovin a lang a, daiah an chang a, mipa in a pal chuan a \halbeah a lut a, a chi thlahnaah a tel ta niin an sawi chauh va. Hemi lo hi chu pian nawn lehna lam hmuh tur pawh a awm lo.

Hetih lai hian Mizo te hian sakhuana hi kan nuna malsawmna thlentu leh hmuingilna ah kan ngai a tih theih a, kan sakhaw biak chu vanram kaina lam ai mahin in leh lo bakah ei leh bara malsawmna kan chan theih nan a ni ber a tih theih bawk ang.

Kan taksa lama natna leh anchhe hrang hranga kan ngaih erawh ramhuai leh huai dang ten min lo thlen a nih kan ring a, kan hlauh avangin kan inthawi chauh \hin a. Heng vang hian sakhuana kawnga kan rindan hi hriat pawlh a awl em em a, fimkhur a ngai hle bawk.

Eng pawh nise sakhuana hian chhan a nei a, thinlung lam a hawl a. Hei vang hian sakhaw tih rem tuma bei nasa tu a piang an hlawh chham \hin. Sakhuana hi khawvel nunphung pakhata bet tlat tawh a nih avangin kum sang tam tak hnuah pawh a la chuai mai a rinawm lohva, thil tam tak hi Science thiamna hmanga hmuhchhuah a nih hnuah pawh sakhaw lama rinna nei s^ng deuh te chuan thil mak (miracle) emaw tiin pathian hnena lawmthu sawi nan an la hmang cheu a nih hi.

Hei hian sakhuana hi mihring nun nen an inzawm thuk zia a tarlan piah lamah thiamna mai piah lamaha thinlung lam nena inzawm a nihna a tarlang a, hei vang hian mi tam tak tan chuan bansan mai a har bakah sakhaw lama insawr bing zel hi thil awlsam tak tur niin  a lan theih phah a ni.

III.             Mizo Sakhuana :

Mizo te hian hmanlai chuan sakhua hi kan nei ngai lo niin sawi a awm a, a chhan ber pawh thlang tlak buai lai a nih vang a ni mahna. Chuti a nih reng laiin sakhua an lo nei tawh a nih pawhin sawi zui zel a nih loh avangin chhui zui theih a ni lo pawh a ni maithei bawk a. B.Lalthangliana chuan “Thantlang leh Run kam vela an khawsak lai hian pi’ puten sakhaw lama an dinhmun titi khawchang takngialah pawh an sawi kan hre ngai lova, a mak ang reng hle” (qtn in Mizo Chanchin, 212) tiin a tarlang a. A chhan ber pawh Kabaw Valley a\anga nawr chhuah an nih hnu khan an buai >m vang niin a ziak chhunzawm.

Hetia thlang an tlak zel hnu hian ei leh bar kawngah te an intodelh ve hret hret a, an thlang tlakna ram lah a lo \ha chho hret hret a. Hetia buai leh but tam tak an kalsan hnu hian an nun a lo thawveng ve deuh ta a, tichuan Lentlang leh |iau inkar vela an awm lai hian sakhua hi an lo nei \an ta ni in an sawi \hin. Chuti a nih chuan mizote sakhaw neih \an hun lai chu kum 1450-1700 A.D vel bawr a ni tihna a ni.

Sakhua an neih lai hian mizote dinhmun hi a \ha chho sawt hle a, chu bakah dam loh nikhua te a lo awm \hin avangin damna an duh bawk si a, hei vang hian natan laka inthawi dam te leh malsawmna an dawn zel theih nana sakhaw neih chu an ngaihtuahna ah a lo awm ta  a ni a tih theih ang. Hetih lai hian mithiamte chuan sawi tawh angin ramhuai hnena inthawi ang chi hi chu hlauh vang mai niin an sawi thung a ni. “Rev. Liangkhaia chuan ‘Arte thlah’ leh ‘Bulthluk’ hi an ngaihtuah chhuak hmasak ber niin a sawi”. (qtn in Mizo Chanchin, 212)

Mak angreng taka an tarlan \hin chu mizote thlahtu bul leh thlang tlakna lampanga awm ho hi Buddha sakhaw be ram an ni chunga mizo chanchina Buddha sakhaw chanchin a awm ngai miah lo hi a ni awm e. Eng pawh nise mizote hian sakhua kan neih hnu khan kaldan mumal leh fel tak kan nei ve thlap a, hei hian thih hnu piah lama mizote beiseina nasa takin a tarlang a tih theih.

Sakhua kan tih tak lo chhuahna chu \awngkam pahnih ‘Sa’ leh ‘Khua’ a\anga lo awm a ni a. Hnam bil leh chhungkaw enkawltu, kaihruaitua an ngaih chu ‘Sa’ a ni a. Tin, khaw pum leh a chhunga cheng zawng zawng hualhimtu, mihring inkara thusawitu chu ‘Khua’ a ni thung. Tunhma chuan sakhua hi a hrangin kan bia a, Sa hi Vawkin kan bia a, Khua erawh chu Sialin (qtn in Mizo Awmdan Hlui, 12). Tun hnu hian kan biak sawi nan kan biak pahnih sa leh khua hi kan kaikawp ta a, tichuan sakhua chu kan chunga thuneitu sang tak a ni tih a hriat theih a ni. Sakhua an neih chhan tak hi sawi tawh angin thih hnu piah lam, pialral kai tuma an beihna lam a niin a hriat a. (qtn in Mizo Chanchin, 410) Chutianga an sakhaw biak dan chi hrang leh pialral kai tuma an kaldan chu hnam bil hrang hrangah in ang lo mahse a tam ber Lusei hi tihdan lo tarlang thuak thuak i la.

III.I           In Lama Thangchhuah :

      In lama thang chhuah hi mizo pa tan chuan thil pawimawh tak a ni. Sum leh pai leh ei leh bara intodelh te chuan inlama thangchhuah hi an tih tur pawimawh ber pakhat ah an dah a. He in lama thangchhuah hi an sakhaw rindan kalhmang a lo ni daih mai. Thangchhuah pa nih an chak chhan ber pawh pialrala nun nuam zawk an chan theih nan a ni a, chumi kawnga in lama thangchhuah tur chuan tih tur hrang hrang a awm a. Chung te chu :

a)      Sakung

b)      Chawng

c)      Dawino chhui

d)      Sedawi

e)       Sekhuan leh Mitthi rawp lam

f)       Khuangchawi te an ni.

Dawino chhui hian tihdan chi hrang tam tak a awm leh a, chung te chu :

i)                    Hnuaite

ii)                  Lasi

iii)                Chung

iv)                Vansen

v)                  Hnuaipui te an ni.

III.II          Ram Lama Thangchhuah :

      Mizo te sakhuana ah  hian ram lama thangchhuah hi sawi tel a ni ngai hauh lova, nimahsela mizote sakhuana nen chik zawka kan thlir dun chuan inzawmna thuk tak an nei tih hriat a ni.

Ram lama thangchhuah tur chuan sa kap thei, mi huaisen leh Pasal\ha nih a \ul a. Sa chu engzat pawh kap mahsela ram lama thangchhuah tur chuan heng te hi kah ngei a \ul a ni-

a)      Sakhi

b)      Savawm

c)      Sanghal

d)      Sel>

e)      Sai/Rulngan/Muvanlai/ Vahluk

Sakhi leh Savawm hi  an ai \hin a, Sakhi hi malsawmna ah an ngaih rualin Sakhi Vawkpa sutnghaka ai tawh chu Sakhi zu siamna ah pawh an lal bik a, mi chhe fa vawka ai leh mi\ha fa siala ai chu Sakhi zu inna ah an lal dan a in ang reng \hin. Tin, Savawm ai hian pialral kawngah a hruai ngil thei dawnin an hria a, chuvang chuan an ngai pawimawh \hin hle a ni.

Sele an kah \um chuan ‘Arhuaichhiah’ an hmang thung a, hetianga tih tur hrang hrang an tih a, kah tur hrang hrang an kah hnu hian thangchhuah an ni ta \hin a, tichuan ropui takin Pialral ah a lut ta \hin niin an sawi. Sai a kah phei chuan Sai chungah Thangchhuahpa hi a \hu a, Vahluk chuan ni sa a hliap a, Paula chuan lo sai a hnekin a lo hlau \hin zawk niin an sawi bawk.

Hetianga thangchhuah pa in ram lama thang a chhuah zawha nun nuam zawk hmang tura pialral a pan \hin avang hian an sakhua nen a inzawm ngei a ni tih a tichiang hle a ni.

IV.               Mizo Sakhaw Laimu :

Mizo  sakhaw sawi hian pialral chauh hi thlur bing a ni tlang pui a, tin mizo chauh lo pawh hian sakhaw chungchanga kan rinna tawp ber leh kan rinna bulpui ber chu thih hnu piah lam hi niin kan sawi tlangpui \hin. Kan tum bulpui ber chu thih hnu piahlam ram, pialral hi a nih rualin pialral thleng tura kan beihna kawngah hian thil \ha tam tak leh mite tana malsawmna tam tak tih \ul leh tih ngai a awm a. A bikin in lama thangchhuah tur hian mipui vantlang huap chi \um li- Chawngchen, sechhun, Sekhuan leh Mitthi rawp lam te a ngai a. Thingfar zana tlaivar leh tlawmngai filawr tana sumdeng zu hmanga “Nopui” hlante a keng tel vek bawk.

Tin ram lama thangchhuaha pialral kai tur pawh hian ramsa chi nga tal kah a ngaih bakah sa dang tam tak an kap tel bawk a, an ai a, khawtlang an hrai \hin a. Heng hian a tarlan chiang tak chu midang tana malsawmna nih piaha lama midang tana thil \ha tih te pawh a tel vek a ni tih a lang a ni. Hetiang tih pui nikhua hi michhe tan hlei hlei vanneihna ang hialin an ngaih theih a, nidanga an hmuh phak ngai loh an hmuhna a nih \hin avangin a lawmawm thei hle ang tih a rin theih a ni.

Heta \ang hian mizo sakhaw laimu tak chu pialral kal a nih piah lamah khawvela awm chhung pawha midang tana malsawmna nih hi a ni a tih theih a, hei hian thil \ha tih kawngah te pawh zirtirna min pe a ni kan ti tei bawk ang.

V.                 Kristianna :

Kristian sakhuana (Christianity) hi Khawvel sakhaw lian panga zingah pawh lian ber a ni a. Kum 5000 BC vela khawvel awm \antirh nia Bible chhui tuten an tarlan a\anga awm \an niin an ngai a. A tirah tak chuan Kristian tih hming hi he sakhaw zui tute hian an pu lova, Isua Krista khawvel mihring te tana a thih hnua khawvela a mah zuitute chu Tirhkoh paula chuan Korinth Lehkhathawnah ‘Kristian’ tia a koh avangin he sakhaw zuitu te hi Kristian tih chhun zawm zel an ni ta a ni.

                                         

Sawi tawh angin he sakhua Kristian hi khawvel sakhaw zinga zuitu nei tam ber a ni mek a, Islam sakhaw zuitu maktaduai sang khat zaruk aiin zaruk laiin an tam a, chumi awmzia chu khawvel ah Kristian sakhua hian zuitu mi maktaduai (million) 2200 chuang zet a nei tihna a ni.

He sakhua hian tun thlengin zuitu a neih tam belh zel a, an rinchhan ber lehkhabu chu Bible niin vana Pathian awm leh khawvel mihring tlantu Isua chu an rin ber a ni a. Thih hnua nun nuam zawk vanrama kan neih theih nan pianthar a ngai bawk. He Kristianna hi Missionary tih hming an vuah hmangin khawvel hmun hrang hrangah put darh a ni a, tualchhung kohhran ah erawh enkawltu bik Pastor ten an bial \heuh fel taka \henin an enkawl a ni.

He Kristian sakhaw hnuaiah hian pawl hrang hrang tam tak leh, chu pawl hnuaiah pawh chuan kohhran hrang hrang tam tak a awm a. Chung zingah chuan Roman Catholic hi a lian ber nia sawi a ni \hin bawk.

VI.              Mizo Kristianna :

Mizo te mawl tak leh changkang lo taka kan la awm hunlai kum 1890 A.D chho ah khan British sorkar chuan khawvel ramdang te ang bawkin Mizoram an awp ve a. Hetih hunlai hian mizo te chuan ziak leh chhiar pawh an la thiam lo. Kumpinu sorkar (British) pawh hian kan ram leilung leh thil hlu neih vanga min awp an niin a hriat loh va, kan pi’ puten kan ram an lo neka an hriat avanga kan do fo avang chauhin min lo awp ve niin a hriat bawk.

Hetia kumpinu sorkar hnuaia kan awm hnu hian kum 1894, January ni 11 ah Arthington Mission hnuaia thawk Rev.F.W Savidge B.A., Ph.D leh Rev.J.H Lorrain, mizovin Sap Upa leh Pu. Buanga kan tih te chuan Sairang an lo thleng a ni. (Rev.Liangkhaia chuan January ni 11 ah hian Aizawl an lo thleng tiin a sawi ve bawk)

He missionary pahnih hi mizoten chanchin\ha kan dawnna hmasa ber ah leh kohhran din chhuaktu ah kan pawm ber a. An ni pahnih hian Pathian thu mai piah lamah ziak leh chhiar te min zirtir in hawrawp te min siam sak a, mizote tan thil \ha tin reng min tihsak a ni.

VII.           Mizo Kristianna Leh A Nghawng :

Sakhuana chungchangah leh Pathian biak chungchangah hian tun hma a\ang tawhin chham hla eng eng emaw kan nei tawh \hin a, chumi piah lamah mizote hian hla leh zai hi kan ngainat avangin hla phuah thiam pawhin hriat an hlawh \hin hle. Zu pawh hi engemaw tih nikhuaa kan chelek ber a ni reng \hin a, thil tihpui nikhua  pawhin zu nen hlim taka chai hovin hla kan sa \hin a ni.

Amaherawhchu Kristianna a lo luh hnua ziak leh chhiar te kan lo thiam hnu hian mizote rilru ah sap ho khan ngaihsan an lo hlawh laklawh bawk nen kan chindan hlui leh tih \hin zawng zawng te chu bansan a lo ni ta a. Kan sakhaw thar lah chu nasa tak maia zoram pum pui tuamin darh zau tak leh lian takin a insiam chho zel mai si a. Tichuan mi nawlpui thinlungah pawh Kristian nih loh chu rual pawl loh bikna ang hialin a ngaih theih a ni.

Hetia kan sakhua a lo inthlak tak avang hian kan hla te chuan ngaihsak leh sak pawh an hlawh ta lova, lengzem leh lenglawng hla sak phei chu sual ang hialah kan lo ngai ta a. Heta \ang hian kan hla phuahtu hmasa te pawh an chuai ta a, kan hla hlui te pawh a ral ta a tih theih ang. Tichuan Kristian sakhuain a lo kentel ang hiala kan ngaih hla thar, thluk thar leh phuah dan thar. Hla thu lo em em mai leh kikawi tak tak chauh chu kan hmuh theih chhun a lo ni ta a. Tin, ziak leh chhiar thiam kawngah intlansiakna a nasat avangin mitin mai chuan hmasawnna lam nia kan ngaih chu kan pan ta ruak ruak a, thil hlui lam reng ngaihtuah a ni ta lova.

Hetiang thu leh hla thar te, ziak leh chhiar te, thiamna hrang hrang kawng tinrenga kan hmuh te hi sakhaw thar lo ken chhuah a tih theih ang.

VIII.        Nun Inthak :

Kristianna avang chuan tun hma a kan hlauh em em \hin Ramhuai leh huai dang pawh kan hlau tawh lova, hrang leh sih huai takngial te, thinglubul leh thil dang tam tak pawh kan hlau tawh hek lo.

Kristian zirtirna a a laimu ber chu Vanram kai a nih tawh avangin tunhma a kan nuna pawimawh em em Thangchhuah pawhin awmzia a nei tawh lova, Pialral kai leh kalkawnga Paula pawhin ngaihven a hlawh tawh hek lo.

Sakah nikhua ah pawh aih a ngai tawh lova, mahni \heuhin kan ramsa kah chu kan chang a, \hian \henkhat duhsak zawng kan hleh a ni chauh tawh a ni. Chai hlim leh lam te chu khawvel thil ang hiala kan ngaih tawh avangin chin chhunzawm a ni ta ngai lova, tin zu reng reng pawh min ti-^ tu a nih avangin kohhranin in a khap a, Sakhi zu takngial pawh siam a ni a ngai lo bawk a ni.

Tunhma a do nei \hin khan do kan nei thiang tawh lova, kan hmelma hmangaih tura min zirtirtu kan sakhaw thar avang chuan indo thu pawh hriat tur a awm tawh lo tih theih a ni.

Tunhma kan nuna pawimawh em em Lasi te, Khuavang te, Khawhring te pawhin awmzia an nei ta lova, ramsa enkawltu chungchanga kan ngaihdan danglam tak tak pawh her danglam a ni ta.

IX.              Mizo Sakhuana Leh Kristianna :

Hetia kristian sakhua a lo luh hnu hian kan nundan leh nunphung inthlak danglam dawr mahse mizoten kan lo biak \hin ‘Sa’ leh ‘Khua’ chu kan biak sawi nan hian hman a ni chhunzawm ta zel tho va, he thu pahnih a\anga kan lo neih ang hian he lama kan rinna sawi nan hian ‘Sakhua’ tih hi hman chhunzawm zel a ni ta a ni. Hmanlai kan pi leh pute’n an sakhaw vawn chhan ber chu nuna malsawmna an dawn theih nan leh thih hnua pialral an kalna tur a nih ang hian Kristianna sakhua pawh hi mihring nuna malsawma kan awm theih nan te leh thih hnua Pathian bula awm a Vanram kan kai theih nan tho a ni a. Hetia han thlir thuak chuan a hmun leh kan rin danglam viau mahse a kalphung chu a in ang hle a tih theih ang.

Heng sakhaw pahnih in ang lo tak leh kalphung inzul tak si hi mizo te hian kan ril rem zawng tak niin a hriat a, Kristian sakhua kan pawm zung zung nachhan leh kan inpek dual dualna chhan ber pawh a kalphung a in an em vang leh rintlak zawk nia Kristianna hi kan ngaih vang a ni thei ang. Hemi piahah Kristianna hian Ramhuai chu a hnuaichhiah vang ni pawhin a hriat theih a, huai dang tam tak pawh Kristian sakhua chuan a thuhnuai vek avangin Kristian sakhua hi mizote tan chuan pawm nahawm tak niin a lang a ni.

Mizote sakhaw lo neih leh Kristianna hi a zawh dan kawng in ang lo tak erawh a ni thung a. Sawi tawh angin Kristian sakhaw zirtirna hmanga vanram kai tur chuan thangchhuah kher a ngai tawh lova, dam loh pawhin ramhuai tlawna inthawi kher a ngai tawh hek lo. Hei vang hian kan hlauh em em do theitu leh kan duh em em Vanram kai min thlentir theitu chu Kristianna hi a nih avangin mizo tan chuan kristianna pawm mai hi thil tih awm tak a ni a. Amaherawh chu kristianna lo luh tirha kan lakrun luata kan hnam kaphung tam tak kan hnualsuat ta kha chu kan tihsual lian tak pakhat chu a ni reng dawn niin a lang thung a ni.

X.                 Tlipna :

Heng kan tarlan tak hrang hrang te hian mizote sakhuana kan neih tawh kawnga kan rinna hrang hrang piah lamah Kristianna in min nghawng dan leh min hruai dan te. Sakhaw pahnih in an lohna leh inzulna lai te a tarlang a. Hei hian mizo nun tam tak a tarlan bakah kan rinna kawnga kan hmelma ni \hin leh kan ch^k ber thil tam tak a tarlang tel bawk a ni.

Work Cited :

      Lalthangliana, B. Mizo Chanchin. Remkungi :Gilzom. 2014. Print.

      Zairema, Rev. Pi Pute Biak Hi. Zor<n Community :Hebron Press. 2009. Print.

Bibliography :

      Lalthangliana, B. Mizo Chanchin. Remkungi :Gilzom. 2014. Print.

      Zairema, Rev. Pi Pute Biak Hi. Zor<n Community :Hebron Press. 2009. Print.

      Liangkhaia,Rev. Mizo Chanchin. L.T.L Publications :Fakrun. 2002.Print.

      Liangkhaia,Rev. Mizo Awmdan Hlui. L.T.L Publication :Fakrun. 2008. Print.