Puma Zai leh A Hunlai Boruak

Sawihawnna :

Puma zai hi Mizote chanchina thil pawimawh em em, hun pawimawh lai taka lo chhuak leh sak lar a ni a. Mizo sakhaw hlui leh thar insual lai, kum zabi 20-na \antir lama lo chhuak a nih avang hian Mizote sakhaw thar leh sakhaw hlui inkungkaihtirtu ti pawhin kawng lehlam takin a sawi theih awm e.

Puma zai lo chhuah hun lai hi Mizote tan chuan ‘Cultural revival’ tih theih a ni a, a chhan chu hetih hunlai hi hla hlui ziarang bansana sap hla thl<k leh hla phuah dan kalhmang rema hla thar kan neih chhoh lai a ni a. Puma zai erawh hi chu Mizote hla phuah \hin dan ang maia tlar hnih lek leka awm leh changtin mahnia ding thei leh thl<k pakhat in\awm a ni a. Hei vang hian sakhaw thar boruak vung lai taka hetiang hla hlui ziarang anga hla thar a lo piang hi thil chhinchhiah tl^k tak a ni.

A |obul :

Puma zai hi Mizoten kan hmelhriatna a rei tawh viau na-a, chuti takin sak l^r leh hriat l^r erawh a hlawh tehchiam ngai lo. A lo chhuah danah pawh mi hrang hrang sawi dan a inang lo deuh hlek hlawm. L.Keivom chuan, “Kum 1830-1850 inkarah, Biateho thlang tlakin, Mizoram Vairengtea an awm laiin a chhuak a, ‘Puma’ tih chu Bible \awng a ni a, ‘Pathian’ tihna a ni” a ti a. (B.Lalthangliana, 142)

Tin, Puma zai hi hetih hunlai vela Mizo \helret hn^i kal velin an hriat a\anga an lo hawn niin, an hla hmasa berte chu Hmar \awng vek a nih thu a tarlang bawk a. Mizorama a darh kum chu 1908 kha niin a sawi bawk a. He a darh chhan pawh hi Ratu khuaah pa chhawih deuh hlekin nau awih nan a thl<k ang lo deuh hlekin, lunglen thlak takin a sa \hin a, chu chu tlangval hawklakin an sa chhawng a, an sa tl^nglawn zel a. Chappui kang vanglai angin \helh rual lohvin Mizoram a d>ng chhuak ta niin a sawi bawk.

K. Zawla thung chuan, “Kum 1871 ah Lalburhan silai 13 a laksak la chhuak tura kal Manding sap Edger-a’n kuli tam tak a hruai zinga tel Biateho hnen a\angin Puma zai hi Mizovin an hria a, an sa ve a. Mahse rei lo teah a reh leh mai a. Kum 1880-a |hing tam laia Tuirial dungah vai hnena ei tur zawngten kuliho sak an hre thar leh a, an phuah ve nual a. Hemi \um  pawh hian a lar zo chuang lo va, Mizo hla mual liam te zinga pakhat niin a chuai ve leh ta mai a.

“Kum 1907 ah Zawngin lal Lalzika Sailo chuan a leiba \hing turin Liangkhaia leh a \hian chu Lalhleia khua Ratu-ah a tir a. Hla thl<k danglam leh lungkuai angreng tak hi mi ^ deuhin nau awih nan a sak \hin chu tlangvalhovin an sa lawn a, a darh zau hle mai a. Tv.Liangkhaia te \hiandun chuan an chhinchhiah a, Zawngin an thlen leh hnu chuan an sa ve ta a, Hla phuah thiam Thangkunga chuan an Tuikhur chu a phuah ve nghal a;

            “Kan tuikhur hi khur \ha a lo ni Puma

            Sirte ainawnpari bual kan hmu” tiin.

Tichuan a lo darh zau ta zel a ni” (B.Lalthangliana, 142)

Rev. Liangkhaia chuan “Kum 1908-ah hian thim thiltihtheihna ropui tak a lo lang ve ta, “Puma Zai” an ti a. Ratu-ah Lalhleia khaw mi ^ deuh hian nau awih nan a hmang a, mi sak loh ang tak hian a sa \hin a. Chu chu tlangval hawklakin an sa tlanglawn a, a darhzau duh hle mai a. Kum 1908 March lamah chuan Lalzika, Zawngin khaw lal chuan sialin chu hla chu a ai ta a, mipui an hlim ta em em mai a, nula tlangval zawng zawng mai hi khawlaiah an l^m ta dual dual mai a, chuta chinah chuan “Tlanglam Zai” an tita zawk a ni.” tiin a ziak ve bawk a. (Rev.Liangkhaia)

Heng bakah hian Brig.Ngurliana chuan kum 1880 kuma Hrangkhawl-ho sak an hriat a\anga an chin \an niin a sawi a. Hrang\hiauva leh Lalchungnunga te chuan kum 1890 Vailen \uma Biate hnam kuli-a an hmante sak an hriat a\anga chin \an niin an ziak ve bawk a. A hla tlar tawpa ‘Puma’ tih a awm zel avangin ‘Puma Zai’ tiin an sawi ta mai niin Dr.Laltluangliana khiangte chuan a ziak bawk.

Puma Zai Chu:

Heng a lo chhuahna nia an hriat mi hrang hrangin an sawi hi inang lo zeuh zeuh awm mahse, thil chiang tak awm erawh chu Zawngin khaw tlangval ten Lalhleia khua Ratu a\anga an puak chhuah a ni tih erawh a chiang thawkhat viauin a lang a. Hei hi Puma zai lo awm \anna erawh ni lovin, rampum huapa a lo l^r \an tirh laia lo chhuak a ni.

Ziaktu \henkhatin ‘Pa chhawih deuh hlek/ mi ^ nau awiin’ an tih hi Brig.Ngurliana leh R.L Thanmawia te chuan ‘Hmar nu nau awiin’ tiin an ziak thung a. A lar kum pawh hi K. Zawla leh Rev. Liangkhaia-ten 1908 an tih laiin, R.L Thanmawia leh B.Lalthangliana-te chuan kum 1907 niin an tarlang thung. |henkhat chuan nau awitu hming chiang takin an ziak bawk a. Pi Darpisiaki nia sawi an awm bawk.

Rev.Liangkhaia’n ‘Tlanglam zai’ an ti ta nia a sawi hi R.L Thanmawia vek hian lo sawiin Tlanglam zaiah chuan a tawpah ‘Puma’ tih a awm ve lova, hei vang hian Puma zai leh Tlanglam zai hi a danglam niin a lehkhabu ‘Mizo Poetry’ ah a tarlang. Chutih laiin Puma zai tia an sawi chiah loh ‘Tlanglam Zai’ hi Puma Zai siper chu a ni thung a. Chung hlate chu khawtlangin an chai/lam pui theih hla a nih avanga ‘Tlanglam Zai’ ti ta mai an ni awm e. Chung Puma zai siper-te chu tlemin a thl<k pawh a danglam hret hret bawk a, a langsar zualte chu – Awithangpa Zai, Hrangchhawni Zai, Lelthang (Lungphunlian) Zai, Mutelen (Ruahvarpui) Zai, Chalmar Zai, R>l Zai, German R<n Zai, Tualphei Zai, Lalrikhumi Zai, Transport Zai, Labour Zai, Zawlbuk Zai, Aizawl Zai leh a dangte an ni. Heng hla siper ‘Tlanglam Zai’ an tih zui tak te hi a thl<k siamtu emaw, uar bika ta neiha neitute emaw chu hla neitu anga ngaih (hla hming tumtu) an ni ta zel a ni.

Eng pawh ni se, Puma zai hi kum 1907/08 vela lo chhuak, Mizo rilru mil taka phuah leh thl<k nei a nih avang hian Mizote rilruah a tla na hle a, Sial hiala aih a nih hnu phei hi chuan darhzau lam a pan phah ta zel a ni. Rampum chuan an kiupui chuah chuah a ni ber. Tin, Puma zai hi phuahtu b$k sawi hleih theih loh a ni tlangpui a (a phuahtu hriat chian chin erawh chu a awm tho), hei vang hian a hla thu pawh a phuahtu thil vei azirin a danglam thei em em a, chutih laiin a hlaa pawimawh ber erawh chu a ‘form’ hi a ni thung a. He Puma Zai hi K.Zawla phei chuan khaw tinah lal leh mi \ha-in an ai zel a, aih lohna khua reng reng a awm lo niin a ziak hial a ni.

A Hunlai Mizo Nun :

Kum 1894 chhova Kristianna kan hmelhriat tak hnu khan Mizote zingah Kristian lakrunna a lian hle a, Kristiana inpe-te an f$r em em laiin inpe duh lote lam pawh an \ang kawh ve \hin hle bawk. Hetih hunlai hian kristian hla Mizoten an phuah ngai mang lo va, an hla neih chhun pawh Sap hla lehlin leh sap missionary te’n hla thu ulh tak taka sap hla kalhmang zulzuia an phuahte an ni hlawm a. Mizo kristiante pawh khan, kristian hla nih dan tur reng emaw tiin lungawi takin hla ulh leh khrih pui pui kha an pawm thlap a ni.

Hetianga kristian hla a lo lar chhoh takah chuan Mizo hla hlui ziaranga hla kan neihsa te chu an chuai ve ta tual tual a; tin, hla hlui ziaranga hla phuah pawh a awm tawh meuh lo. Kristian a inpe zingah inlak firna a nasa em em a, hla hlui reng reng kha chu sual thil anga ngaih a nih vek avangin mahni hnam hla (folk song) mah ni se, sak ngam chi pawh a ni hek lo. Hetih hunlai hian Mizoramah Kristianna leh Hnam kalphung chu a inbuan nasa hle mai a. Mizorama kristian an awm hnuin Puma zai hi nun hlui leh nun thar inbeihna lian hmasa ber niin an sawi phah bawk.

Sapho lah kha ngaihsan loh theih an ni lo reng bawk a, an chakin rorel an thiam si a. Tharum leh indona mualah lah kan ngam loh an ni a, sumdawnna leh eizawnna thlengin kan chungah an l>ng a, awlsam takin kan ram pawh an awp r>ng a ni. Khatiang boruaka sap missionary-te thu zawma kristiana kan inpe dual dual kha kan mawh hran pawhin a lang lo. Zirna leh damdawi lam thil thlengin kan hmaah an chhawp a, kan hmelhriat leh hman ngai loh thilmak pui pui an thlen tir a. Khang avang pawh kha a ni mahna, nun hlui ngaihn>pna kan neih tak chhan ni.

Hei vang hian kum zabi 20-na in\an tir chho hi Mizote nun inthlak hunlai, hun pawimawh em em mai a tih loh theih loh ang. Nunhlui kalsan tumin Kristianna \anchhanah kan hmanga, Mizote thil pawimawh hrang hrang zu thlengin kan hnualsuat a, kan inchei duh dan thlengin a danglam a ni. Sawi tawh angin thu leh hlaah pawh danglamna a thleng a, hla hlui ziaranga hla phuah \hin; kum zabi 20-na dam thleng ve ve Awithangpa leh Saikuti tan pawh hla phuah zui zel ngaihna a awm vak lo. Intihhlim leh Chawngchen thlengin kristianna vang hian kan bansan phah vek a ni.

Puma Zai leh A hunlai Boruak :

Puma Zai hi sawi tawh angin kum 1907/08 chho va lo lar thar a nih avang hian ‘Cultural Revival’ tih hialin a sawi ngam a. Kristiannain kan nun leh thu leh hla duh tawka a \huai chhoh laiin Mizo hla hlui ziarang mawi tak hmangin a lo chhuak hlawl a. Kristiana inpe ve lem lo tan phei chuan malsawmna dik tak a tih theih ang. Mizote hian zai kan ngainat avangin hla hian Mizote-ah thiltihtheihna th<k tak a nei a. Hla thu mawi tak leh lungkuai tak phei hi chuan patling thinrim pawh a tud^i thei hial \hin. Hei vang hi a ni ngei ang hla mawi leh \ha deuh kan sak phei chuan tlaivar mai te an awlsam a, zu leh sa nen phei chuan hlim takin an lam tlaivar peih a ni.

Hetiang taka Mizoten hla kan ngainat avang hian hla mawi leh nalh, lungkuai em em, englam hawi zawng pawha phuah theih leh sak nuam, Puma Zai a lo chhuak hi hnam nun muthlu kaihthawh lehna pawimawh tak a tih loh theih lo va. Namen lova a l^r nachhan ber pawh thu leh hla \ha a Mizote kan tuihal luat tawh vang a ni thei bawk ang.

Kohhran lam mite chuan he ‘Puma Zai’ hi  ‘thim thiltihtheihna’ emaw ‘Setana thlarau hnathawh’ emaw niin an ring a. Rev. Liangkhaia pawhin ‘Kum 1908 ah hian thim thiltihtheihna ropui tak a lo lang ve ta, ‘Puma Zai’ an ti a….. Pathian thusawi pawh a har rih hle mai’ tiin a ziak nghe nghe a.

Rev. Saiaithanga pawhin, “Chu hla-Puma Zai khaw tinin an khukpui zual lai chuan Chanchin |ha hriltute tan a harsa hle a ni. Ngaithlatu an hmu lo, chu hla chu sa lo tura Pathian thu han awihsan an duh lo. Rei lo deh chu Chanchin |ha a hliahin a d^l hneh hle a ni..” tiin a ziak ve bawk a. Hei hian mipuiin Puma Zai an duhzia leh Kristianna thleng pawha nghawng a neihzia a tarlang thei a. Puma Zai sak loh an hlauh avanga Pathian thu an ngaithla duh lo hial te hian an rilru chhungrila thil in up rei tawk tak pawchhuaktu chu Puma Zai a nih zia a tichiang hlein a hriat bawk a ni.

L.Keivom chuan hemi chungchang hi lo sawi chhunzawmin “Kristian sakhua leh Mizo kalchar inkarah indona nasa tak a lo chhuak a. Tichuan, mahni kalchar, a chhia a \ha hlamchhiah veka sakhaw thara p>m luh tumho leh mahni kalchara \ankhawh tute chu an inep ta a, an thawm pawh na tak a ni. Kristianho chuan Sap hla lehlin kha phawa hmangin khawr em em mai khan \anhmun an la a; kristian loho erawh chuan ‘Puma Zai/Tlanlam Zai’ Mizote pianpui leh nunphung hmahruai ngei kha hmangin \an an khawh ve thung a, an inzei hleihzia chu inthlau tak a ni. He indonaah hian inhnehban bik chu awm mahse an indona thlung berah chuan Zo nun khan a pawt chak daih a ni. In\hathen lovin, a hip chak zawk zawk dingchang turin an kald<n ta reng a ni. Kum sawm hnuah hla thar, mahni zai thl<k ngai kan nei ta a. Kan hnam inph<a Zofate hla lamah hetiang khawpa hma kan sawn chhan hi, keimahni nihna angin Pathian p^wlin, Pathian pawhin min p^wl tur a ni tih a man fuh p^wl kan awm vang a ni.

“Puma Zai kha lo chhuak lovin, ringthar hi ngaihsan kha kal ta zel se chuan kohhran kha a \huanawp ang a, kan hnam kalchar thlung pawimawh tam tak pawh kan hloh phah bawk ang. Pathian remruatna chuan Zofaten kan nunphung duhawm tak tak kan hloh mai kha a phal lova, kawng dik zawk kan zawh theihna turin ‘Puma Zai’ kha min tiharh tur leh kan kawng bozia min hriattirtu tur atan a rawn hmang pawh a ni maithei.” tiin a lehkhabuah a ziak a ni.

B.Lalthangliana pawhin “Tichuan kristian hla leh hnam zaite chu Mizo thinlungah leh suangtuahna ramah a inbuan ta thial thial a, kum tam fe a awh awm e. Kum 1907-1910 vel kha a innawk zual vanglai a ni maithei. ‘Puma Zai’ hian hnam nun hluiah mipui a tilungleng a, a chawkharh a, a kaitho a tih theih awm e. Tin, Kristian hla lehlin chawp, a pianhmang, a thu awmzia leh hawi zawng dang daih, a thl<k chena danglam em em chuan Mizo mipuite rilru a hneh rih lo va, an suangtuahna leh lunglenna a khuh pha hek lo va, a nun thlengin a la chiah zawp lo tih a tarlang a. Kawng danga sawi chuan, hnam thila \hanharhna, hnam ziaranga lunglenna ‘Cultural revival’ chi khat a ni a tih theih awm e’ tiin a hunlai boruak hi a ziak ve bawk.

HKR Lalbiakliana chuan, “Puma Zai hian kan ram dung leh vang a fan chhuah rualin kan hnam nun hi a \ha zawngin a her danglam nasa em em a. Tunlai \hangthar khawvel hap pha ve tura kan pian chhuahna hunpui, kan hnam zaikhata luang tira kan penchhuahna kum leh nite niin, Kristian sakhuaa nghet taka kan hnamin-baptistna pakhat chu a ni. Puma Zaiah hian kan Mizo hnam nun chu a inphum kim vek a, an lo chul \an ta tihah, mite chu an lungleng ta em em hlawm a, mahni lunglenna lam hawiin thu leh hla an fehchhuahpui \an ta a ni. Hemi hma hian Zai chi hrang hrang kan lo nei tawh \hin ngei a, mahse, he mi hun a\ang erawh hi chuan a hnam pum huapin thu leh hla lamah kan mitnaute lo keu \anin Hla Lenglawng, Lengzem, Ramngaih Hla leh sakhaw biakna lam hla thlengin a lo piang ve tak tak \an a ni” tiin a ziak ve bawk.

Puma Zai hian thliar bik a nei lo va, mit> leh milian pawhin angkhat vekin an tuipui thei a. Lal leh michhe fa rilrua a tlak nat dan pawh a inchen viau bawk. Hetiang taka Mizo nunhlui leh ziarang phawrh kim thei hla, an lunglen leh mamawh lai taka a lo chhuak ta mai hi Mizo hnam tundin duhtu tan chuan a lawmawm em em a, hnam harhthar lehna ropui tak tiin a chhal ngam a ni.

Puma Zai lar chhoh hunlai hi ziak leh chhiar kan thiam chhoh \antirh a ni a, Mizo zingah pawh eng emaw zatin lehkha an zir tawh a. Chutih laiin lehkha thiam fal tak erawh an la awm meuh lo. Hei vang hian thu leh hla kal dan dik tak leh tum dik tak hrethiam pawh an la tamin a rinawm lo. Hei hian thu leh hla phuah dan kalphungah pawh nghawng a nei niin a hriat. A chhan chu khawthlang hla lo pul<ttu kan missionary te hla phuah leh lehlin kha kristian hla awm dan tur reng emaw kan ti tlat a. Nimahsela a nihna takah chuan hla hian nihphung leh awmdan tur bik bituk leh ruatsa a awm thei lo thung. A phuahtu phuah danah a innghat a, a hla thu azirin \hen hran a ni chauh zawk \hin.

Hetih hunlai pawh hian hla hlui kha kahwvel hla emaw an tih tlat avangin hla thu mawi em em te kha Kristian hla phuah nan an hmang duh tlat lova, hla thu khirh leh ulh tak tak hmangin, \awngkam tluang pangngai ang main hla an phuah \hin. Hei hi sap ho zing ah chauh a ni lova, mizo kristian hla phuahtu hmasa te pawh khan hla thu mawi an hmang ngai meuh lo.

Hetiang boruak a nih chhoh laia Puma Zai mawi tak lo chhuak hian Mizote rilru a chawk tho va. Lalbiakliana sawi ang deuh hian Lengzem leh Lenglawngte pawh kan neih phah hial niin a sawi theih ang. Chutih laiin Puma Zai hian ngaihtuahna thar min pein kristian hla pawh \awngkam mawi leh hla thu mawi hmangin phuah kan chin chhoh phah ta zel niin kan sawi thei bawk awm e.

Tlipna :

Puma Zaiin mawi tak leh hneh taka ram pum a tuam chhuah vanglai takin kum 1911 chhovah chuan Mautam a lo thleng ta a, \am a tla a, ei leh bar a vang a, zu leh sa nena rik bung bung hleihtheih a ni ta lo. Chutih laiin kum 1913-ah Kristiante zingah Harhna (\um hnihna) alo thleng leh bawk si a. Hei vang hian Puma Zai leh Tlanglam Zai parvul lai chu chh>m tl<k a lo ni ta ni.

Eng pawh ni se, Puma Zai leh a siper te hi Mizote thu leh hlaa hmun pawimawh luahtu an ni reng tawh dawn a. Kristianna leh Mizo nun inbuan tirtu hla, Zoram pum pui hawl chhuak thei leh mitin ngainat a nihna hian theihnghilh theih loh turin Mizote min chenchilh reng tawh dawn a ni.

Work cited :

Keivom,L., ‘Zoram Khawvel’. Aizawl.  Lengchhawn Press. 1994 (2^nd Edition). Print.

Lalthangliana,B., ‘Mizo Literature’. Aizawl. RTM Press. 1993(2^nd Edition) . Print.

Lalbiakliana,HKR., ‘………………………….’ Aizawl. Exodus Press. 1995. Print.

Zawla,K., ‘Mizo Pi Pute leh An Thlahte Chanchin’. Aizawl. Gosen Press. 1989 (5^th Ed). Print.

Bibliography :

Keivom,L., ‘Zoram Khawvel’. Aizawl.  Lengchhawn Press. 1994 (2^nd Edition). Print.

Lalthangliana,B., ‘Mizo Literature’. Aizawl. RTM Press. 1993(2^nd Edition) . Print.

Zawla,K., ‘Mizo Pi Pute leh An Thlahte Chanchin’. Aizawl. Gosen Press. 1989 (5^th Ed). Print.

Liangkhaia,Rev., ‘Mizo Chanchin’ Aizawl;Felfim Computer. 2002 (5^th Ed). Print.

Thangvunga,R.,(Ed) ‘History of Mizo Literature’ Aizawl;Mizo Department. 2013. Print.

Thanmawia R.L., ‘Mizo Poetry’. Aizawl; Mizoram Publication Board. 1998. Print

Thanmawia,R.L., ‘Mizo Hla Hlui (Mizo Folksong). Aizawl :Dindin Heaven. 2012. Print.