Myth, Legend leh Culture inkungkaihna

I.                      Sawihawnna

Khawvel hnam hrang hrang te hian pi leh pute rochun thawnthu \hahnem tak kan nei \heuh a. Chutiang thawnthu ah chuan hmasang pi leh pute nundan leh nunphung tam tak hmuh theih leh hmuh tur a awm bawk. Heng thawnthu te hi Folklore’ ti a dah an ni a. Folklore chhungah hian Myth te, legend te, folktales te leh thawnthu chi hrang hrang te a awm ve leh chhawng bawk a ni. Richard A.Waterman chuan folklore chungchang ti hian a sawi.

“Folklore chu thil awmze nei taka phuah leh rem a ni a. Folklore in a huam tlangpui chu thawnthu chi hrang hrang- Thunfing te, hla chi hrang hrang te, Inthawina thiam hla leh indawina hla te, Sakhua te, Puithuna leh Serh leh sang thil te, thildang hnam hrang hrangin an pi leh pute a\anga an inrochun leh an inhlan chhawn zel thilte a ni” a ti (Laisuih, 71)

Chuti a nih chuan folklore chu kan thawnthu, pi leh pute nundan leh awmdan kan hriatna leh an chanchin te hi a ni a. Chung a\angte chuan kan khawtlang nundan leh hnam nunphung hrang hrang kan hre thei dawn bawk a ni. Chutih laiin heng kan thawnthu hlui te hi hnam nun kalzel atan pawimawhna tam tak a awm thei bawk a. Chutiang hrang hrang chu \hensawmin myth leh legend bik thlir chungin kan hnam nunphung (culture) nen an inkungkaihna kan thlir dawn a ni.

II.                Culture  Awmzia

Myth leh Legend ten kan culture a awmzia an neihna kan chhut dawn chuan culture awmzia hi kan hriat hmasak angai ang. Culture hian hnam nunphung leh zia anga kan neih te hi a huam a. Kan hnam nunphung leh awmdan  hun rei tak ata tawh ze nghet leh chin dan phunga hnam in kan neih tawh te hi a culture chu a ni. Heng zingah hian kan khawtlang nunphung mai bakah kan incheina te, kan eizawnna te, kan sakhua leh kan khawtlang inrelbawl dan te. Kan thil siam chhuah dan leh kan hnathawh dan bakah kan thu leh hla te, kan rimawi te leh kan thil tih duh zawng leh ngainat zawng zawng zawng te pawh culture hian a huam vek a ni.

III.             Myth Awmzia

Myth tih hian hmanlai thawnthu ringawt a huam lova, thilbul thawnthu pi leh pu ten khawvel lo awm \an tirha til awmdan chanchin an sawina thawnthu hi a ni kan ti thei ang. Myth kan tih hi mizo \awng chuan ‘Tuan thu’ kan ti a, lei leh van bakah khawvela thilnung leh nung lo ten en lam an lo awm \an dan hi a ni. William R.Bascom chuan heti hian a hrilh fiah,

“Myth chu hnam hrang hrangin tun hmaa thil thleng leh thil lo indin dan, thudik sawia an sawi \hin, \awngkaa an inhlan chhawn zel hi a ni” tiin (RL Thanmawia, 14)

Mizo te hian tuan thu hi kan nei tam ve hle a, heng te hi phuahchawp leh sawichhawn satliah mai ni lovin chhan nei tak tak leh awmze nei tak tak an ni hlawm. Hei vang hian myth tam tak hi a tak a ni lvoang a tih ngawt theih bik lova, mumal taka chanchin nei an nih ve hlawm avang hian uluk taka zirchian pawh a \ul ang. Hetih lai hian tunlai thiamna sang zel hmangin mi tam takin heng myth te hi science thiamna hmang te a zawnchhuah an tum leh mai \hin a. Amaherawh chu hetiang hi thil nihdan tur a ni lo thung. Supernatural thil nia an sawi \hin heng myth te hi thawnthu an nih miau avangin a tak a nih leh nih loh kan chian hian kan thawnthu ah engmah nghawng a neidawn chuang lova, thil tih awm loh tak a ni zawk a ni.

IV.             Myth Leh Culture

K.Zawla chuan mizo tuan thu hi chipchiar takin a tarlang a. Tuan thu hian mizo nunah pawimawhna tam tak a nei a. Sakhua an ngaihdan te, nunphung tam tak an chin chhuah chhan te leh van lam thil an ngaih dan thlengin he tuan thu hian awmzia an nei a. Chuti ang thil hrang hrang leh mizo nun ziarang inzawmna \henkhat ni a lang te lo tarlang thuak thuak I la.

IV.I Thlanrawkpa

           Mi tam tak sawi leh tarlan \hin angin Thlanrawkpa hunlai hian Khuang an chawi tih kan hria. He an khuangchawi \um hian mihring mai bakah ramsa chitin reng nen hun ang hmanga, zai leh lamin an chai mup mup a ni tih kan hmu thei. He mi \um hian mizo hnam chanchin a thil chhinchhiah tlak tak tak a thleng a. Chung te chu lo en thuak thuak I la.

a)      Thlanrawkpa hian a nupui atan Sabereka (Pu.Vana) fanu a nei a, a nupui manah Silai leh Thlanvawng ape bawk a. Heta chin hian |ek a tlak apiangin ‘Pu.Vana Silai kah ri’ kan ti a, khawpui a rikin ‘Pu.vana thlengpui hnuh ri’ kan tit a \hin. Hei hi tun thlengin mizo ten \ek tla leh khawpui ri  sawi nan kan hman phah a ni.

b)     Thlanrawkpa khuangchawi hmasak ah hian Pu.Vana (Sabereka) chu an sawm theihnghilh a, a thinrim hrikthlak nan khuangchawi ho a lo tihbuai phah a. Heta chin hi tun thlengin Sakbereka khuangkaih kan ti a, chu chu tui leh bawlhlawh lo lian thur thur tihna a ni be rang chu. Hemi \um hian Chhura chuan tuiin a chim hnu lei lo lang chu a lo vaw zawl zel a, tun thleng hian Champhai te, N.Vanlaiphai leilet te khi ‘Chhura vuak zawl’ kan tih phah a ni.

c)      Thlanrawkpa khaungchawi hnuhnung zawk ah hian mikhual ho chu hmingan lo vuah zel a, heng te hi tun thlenga an hming put te an nih phah ta. Entir nan, Ar hi chirh a\anga lokal a nih avangin ‘Chirhi’ an ti a, tunah chuan ‘Chiri’ tia koh an ni a. Hetiang zel hian Zuhrei te, Thehlei te, Zawhte te leh midang (rannung leh ramsa) te pawh hming vuah sak an ni.

d)     He khuangchawi \um hian Sakhi leh Sakuh chu an inrem a, an inrem nan hla an phuah nghe nghe a. Hei hi mizo hla lo chhuahna a tih theih ang. Hemi \um hian Tangkawng te, Varihaw te pawhin hla an phuah ve nghe nghe a ni.

e)      Hemi \um hian pangpang chi khat Builukham chu an ti lungawi lova, a thinrim chuan an chai pui khuang chu a kua ah a luh pui ta daih mai a. \awngkam thar ‘Khuang lova chai ang’ tih a lo chhuah phah nghe nghe a ni. Hei hian mizo \awngkam mawi leh awmze nei te lo chhuahna hi thilbul thawnthu a ni ang tih rinna min pe thei bawk.

f)       Thlanrawkpa khuangchawi ah hian Sial vulh thu kan hmu a, heti a nih chuan Sial hi hmasang a\angin mizo te nunah a pawimawh hlein a ngaih theih ang. Sial hi mizo te hausak tehna pawimawh tak a ni bawk a, hei hian Thlanrawkpa pawimawhna a ti zual hle a ni.

g)     Thlanrawkpa khuangchawi hian mizo nunah pawimawhna tak a nei a.  Khuangchawi hi mizo te tan thangchhuahna chikhat a ni a. Inlama hausa leh nei nung ten pialral hmun nuam zawk an hman theih an beisei nan mipui hraiin hun an hmang \hin a. Chu chu khuangchawi chu a ni. Tuan leh mang hunlai a Thlanrawkpa’n khuang a chawi a\ang hian mizo te nunah Khuangchawi hi a bet tel tlat a, khuangchawi thei nih kha an thil chak ber leh hausakna tawp nia an ngaih avangin an chak thei hle a ni.

IV.II  Thim zin

           Mizo te nunah chuan thimzin hian pawimawhna tak a nei a, chu chu inthlak danglamna chungchanga an rin dan hi a ni. Thim zin an tih tak hi chu Awkin ni alem hi a ni a. Hemi \um hi chuan nidang zawngaiin a lem rei a, nileng \hak mai pawh chuan a chhakchhuak ta si lova, hei hian khawtlangah buaina tam tak siamin inthlak thlengna hial a lo chhuak ta a ni. Mizo te nun nena inzawm \henkhatlo tarlang ila’

a)      Ram kal haw lam, meichher chhi a lokal te chu ‘|au meichher chhi’ ah an chang. |au meichher chhi hi enge a nih tih finfiah tak pawh a la awm lo nghe nghe a, tun hnu thlenga mizorama thil la awm reng a ni.

b)     Thangchhuahpa, puan leh diar \ial khum te chu Sakei ah an chang. Hei hian Sakei chu ramsa dang aia chungnung a nih zia bakah a pian hmang thlenga a ropuina a tarlang.

c)      He thim zin \um hian thil tam tak chu Arsi ah a chang. Hemi \um pawh hian Khiangte zawngzim te leh thildang te pawh Arsi ah an chang hlawm a. Arsi awmze nei taka awm te hming phuah nan an remchang hlawm hle. Hengho hi tun thlenga mizo arsi hming put e an nit a hlawm.

IV.III Chhinlung

Mizo te hi Chhinlung a\anga lo chhuak niin kan inngai a, chu chu kan chanchin a kan pi leh pute sawi hlat theih ber pawh a ni.  He khur thuk tak ata kan chhuak hi mizo te lochhuahna ni a hriat a ni. Hemi \um hian Ralte ho chu an bengchhen avangin mihring pawh an chhuah kim hmain he puk hi khar a ni a, ‘Ralte bengchheng’ tih \awngkam a lo awm phah nghe nghe. Hei hian mizo history chu awm lo ata awmah a siam a ni kan ti thei ang.

Chhui zau zelna chuan he mi \uma mizo te kan chhuah \um hian Darbu leh |hi leh I lo, mizo hnam tan a pawimawh chhunzawm tae m em \henkhat hi kan keng chhuak tel ni in an sawi a. Chuti a nih chuan kan \hi leh Dar te leh hmanraw tam tak hi Chhinlung a\anga kan chhawmchhuah a nih ngei an rinawm. Hei hian mizo te nuna Chhinlung pawimawhna leh kan nunphung nena Chhinlung inzawmna a tarlang awm e.

V.                Legend Awmzia

Legend chu hmasang thawnthu; hnam chanchina innghat deuh leh phuah belh ni awma rin thil, ni thei leh ni thei chiah lo thil inpawlh thawnthu tiin a sawi fiah theih a. (Theory of Literature, 151)

Legend tih hi Old French \awng ‘legenda’ tih a\anga lak a ni a, a awmzia chu ‘thil engemaw chanchin sawina’ tih na a ni. German mithiam Brother Grimm (or Die Bruder Grimm) chuan “Legend chu hmanlai thawnthu hlui, hnam chanchin hluia innghat hi a ni” tiin a sawi a.Timothy R.Tangherlini, hmanlai thawnthu lam zir mi chuan “Legend chu thawnthu tawi, hmanlai chanchin an inhrilh chhawn \hin thawnthu a ni a. An suangtuahna leh rindan te, an hun tawn tawh leh ngaihhlut te an pholanna thawnthu hi a ni” tiin a sawi ve bawk. (wikipedia) English Dictionary \henkhatah chuan hmanlai thawnthu hlui, hnam chanchina mi ropui leh thil ti theite chanchin tarlanna thawnthu tih pawhin an sawi bawk. Tin, legend huanga mite hi mi chungchuang leh an mahni zawna a ‘ber’ te an ni \hin a. Hei hian hmanlai mai ni lo, tunlai huna mi ropui leh mi hrat khawkhengte pawh a huam tel thei bawk niin Dr KC Vannghaka chuan a sawi bawk. (History of Mizo Literature, 201).

VI.             Legend leh Culture

Kan tarlan tak angin legend hian a huam zauin a huam thui em em a, hnam chanchin a mi hrat khawkheng leh mi hmingthang te hi legend chuan a huam vek a. Chuti ang khawtlang mipui aia chungnung leh daglam bikna eng emaw nei te chanchin kan thlir chuan hnam nunphung tam tak kan hmu thei a. Hei vang hianlegend leh culture hi tam tak inlaichinna a awm kan ti thei ang.Chutiang ni thei \henkhat chu lo tarlang thuak thuak ila.

VI.I Sakhua

Kan pi leh pute kha sakhuana lamah hnam dang te ang bawkin rindan mumal an nei thei lawk bik lo ni in alang. An hunlai khan ramhuai leh thil hlauhawm dang a tam avangin chutiang huai laka an him theih nan chuan a remchan dang angin thil hlauhawm ni a an hriat te an be mai ni pawhin a hriat bawk. Chawngtinleri thawnthu ah chuan Lurh tlang leh |an tlang an biak thu kan hmu a, hei hian kan pi leh pu te’n ramhuai thil lampang an hlauh \hin zia a tilang chiang hle.

Tin, hmanlai a\ang tawha tun thlenga mizo rilrua thi thei lo pakhat chu Rihdil khi a ni awm e. Khi dil hmang khian thawnthu tam tak mizo te hian kan nei a, mizo sakhuana kawnga hmun pawimawh ber kan ti thei ang. Mitthi piah lam ram hi sakhuana ah chuan a pawimawh avangin Rihdil hian lei khawvel leh van khawvel a \hen hrang a. Mizo te sakhuana ah chuan a pawimawh \hin hle a ni.

VI.II Eizawnna

           Mizote eizawnna ber chu Lo neih a ni tih kan hre chiang. Kan legend neih zinga mi chak bera kan neih pakhat Mualzavata hming a\ang ringawt pawh hian hei hi a chiang thawkhat hle.

           Mizo te chuan Lo kan nei a, kan ei leh in engkim kan thar chhuahna leh chawk luhna ber a ni a. Tin lo lama vannei a, hlawhtling ta pawh kan ngaisang em em \hin. Kan legend neih tam tak hi lo neih leh hnathawh kawnga chak te an ni a. Aihniara te, Neuva te pawh in an hun tam zawk chu Lo lama chet tlat nan an hmang ral \hin tih kan hre thei bawk.

VI.III Pasal\ha

           Pasal\ha ti a kan chhal te hi sa leh ral laka zam ngai lo te an ni \hin. Hnam tlem te, khaw hran hrana in kulh leh invenhim ngai reng kan nih avang hian khawtlang nunphungah Pasal\ha te hian hmun pawimawh tak an luah \hin.

           Keimi in Kungawrhi a hruaibo \uma chhanchhuaktu pawh Pawthira, pasal\ha leh ram vachal an ni tih kan hria. Hetiang chiah hian mizo nunah khan pasal\ha te hian hmun pawimawh an luah a, hlauhawm leh ral\itna hmuna nunau thlamuan tu leh venghimtu an ni tih a hriat theih awm e.

VI.IV Ramsa

           Chawngtinleri hi kan legend neih pakhat chu a ni awm e. Ani hi Lasi nupui ni a Ramsa chunga thuneitu ni chhunzawm ta kha a ni a. Pasal\ha te chuan Lasi zawl hi an thil chak ber pakhat a ni bawk \hin. In lama neinung ve lem lo te tan ram lamah thangchhuahna a awm tho va. Chu chu Ramsa kah a ni. Ramsa kah tur bik leh kah zat tur a awm thlap avang hian pasal\ha te inkarah inelna a tam a. Ramsa kap thei leh kut themthiam te pawhin ngaihsan an hlawh phah \hin hle bawk.

VI.V Thuamhnaw

           Mizote hi incheina lamah hnam dang tluk lo mah ila mahni tawka intodelh \hin hnam kan ni tih a hriat. Rimenhawii thawnthu ah te leh Bingtaii thawnthu ah te pawh puan tah pawimawh zia kan hmu thei a. tin Chawngtinleri thawnthu ah pawh puan tah pawimawhna leh puantah ziarang an chhawm nun zel dank an hmu bawk. Hei hian mizo te nuna puan pawimawhna mai bakah kan incheina leh intuam lumna hmanrua te a tarlang kan ti thei ang.

VII.          Tlipna

Heng kan tarlan hrang hrang bakah hian Mizo myth leh legend ah hnam ziarang hmuh tur tam tak a awm a. Nimahsela kan tarlang vek hman lo. Heng kan hnam thawnthu te hian mizo nun hi min phuarkhawm chiat a, kan hmasawnna kawngah emaw kan kalkawng ata kan daih sual palh chang pawhin heng thawnthu te hian kan hnam nun min lo hrilh thar leh \hin a. Hei vang hian hnam thawnthu te hi hnam kalkawng ti engtu kan ti thei bawk ang. Hei vang hian hnam thawnthu leh tuan thu te hi an pawimawh a, vawnnun leh humhalh reng hi kan tih tur pawimawh tak a ni.

Work cited

Lalzuithanga. F., Laisuih; Mizoram Publication Board, 2015

Thanmawia RL, Mizo Hnahthlak Thawnthu; Dindin Heaven, 2009

Zawla K., Mizo pipute leh an thlahte Chanchin; printed at Lengchhawn Press.

Thangvunga R(Ed), history of Mizo Literature; Department of Mizo, Mizoram University, 2013. 

Lehkhabu Rawn

Zofa, Lalhmachhuana. Mizo Thawnthu Vol-I; Diktawn Press. Aizawl. 2010 (Sixth edn). Print.

Zofa, lalhmachhuana. Mizo Thawnthu Vol-V; Diktawn Press. Aizawl. 2013 (reprint). Print.

Lal Rinawma (ed). Mizo Thawnthu Thlirzauna;  Archive committee Gov’t Hrangbana College. Aizawl. 2014. Print.

Lalzuithanga. F., Laisuih; Mizoram Publication Board, 2015

Thanmawia RL, Mizo Hnahthlak Thawnthu; Dindin Heaven, 2009

Zawla K., Mizo pipute leh an thlahte Chanchin; printed at Lengchhawn Press.

Thangvunga R(Ed), history of Mizo Literature; Department of Mizo, Mizoram University, 2013.