Sakei Ngho Seh Lemchan Thawnthu Bihchianna

Lemchan hi literature hlawm zingah chuan mihring nun darthlalang tarlanna pawimawh ber a ni awm e. Mizote pawhin kum 1912 a\angin lemchan kan ching \an a, a kum telin hma kan sawn a, lemchan thawnthu pawh tam tak kan lo nei ve ta. Amaherawhchu, tunlai media \hang zelin lemchan hlutna ati hniam ta hle a. Chu chuan lemchan thawnthu ziah lamah pawh nasa takin a nghawng a. Literature hlawm zinga \hang muang ber a ni mai awm e.

Mizote’n lemchan thawnthu kan neih zingah ‘Sakei Ngho Seh’ tih lemchan thawnthu C.Chhuanvawra ziah hi lemchan thawnthu \ha leh belhchian dawl tak a ni. He lemchanah hian hmanlai thawnthu \henkhat behchanin Sailo lal ropui Vanhnuailiana khuaa nula leh tlangval inhmangaihna thawnthu ngaihnawm tak karah, khawtlanga pasal\ha te dinhmun te, khawtlang rorelna leh hmanlai \halaite khawvel ngaihnawm tak kan hmu a ni.

“Sakei Ngho Seh” lemchan thawnthu kan thlir zau tur hi phek 177 lai mai a ni a, a thawnthu bul \an hmaa a bu hma thleh phek nga a awm bawk. Lehkhabu tam taka awm \hin leh awm ngei ngei tura kan ngaih \hin ‘Thuhmahruai’ hi he lehkhabuah hian hmuh tur a awm hauh lova. He lemchan thawnthu hi chan nga ah \hen niin, chan hrang hranga lan bihthliah erawh a inang lo nual a, avaiin lan 28 zet a awm a. Chan khatna ah hian lan sarih zet awmin, lan tamna ber a ni a; chan lina ah hian lan 4 a awm a, hei hi lan tlemna ber a ni thung. Kan lehkhabu hman hi JP Offset Printer-a chhut niin, chhut hnihna kum 2009 a mi kha kan behchan ber tur chu a ni.

Plot Construction

He lemchan thawnthuah tlangpui chu- Sailo lal ropui leh hmingthang, Vanhnuailianna khuaa nula Zairemi leh tlangval huaisen Thanhawla te inkara hmangaihna lo piang chuan nupa insiam tur hialin thu an thlung a. Mahse, vanduaithlak takin Thanhawla chu an ramchhuahna hmunah Pawih ralin an man ta daih mai a. Chu thu chuan khua a thlen chuan a chhungte mai ni lo, Zairemi ngei pawh chu a deng na hle mai. Hun a liama Zairemi chuan vanduaina a tawn belh leh ta! Sathing fawmna hmuna a kalpui Lalnghenga chuan ‘a thei’ tiin a rawn sawi ta tlat mai. Chu chu Zairemite chhungkua chuan pawngsual tum thubuaiah lain lal leh upa te hmaah an inlan ta a.

Zairemi chu a \annaah chu huaisen takin \ang mah se Lalnghenga chu a \hianpa Thangkulaha chu thu hre tu anih miau si avangin lal leh upa te pawhin thutlukna siam har an ti hle. Tichuan sakei ngho seh hmangin thu chu an ti tawp ta a, a hnu lawkah Thanhawla bo pawh a lo lang ve bawk. Zairemi hmingchhiatna thawm chuan a beng a thleng rang hle a, a hnaih ngam meuh lo bawk. Hun a lo kala thudik lo langin, Lalnghenga leh Thangkulah chu sakei chuan a seh ta ngei a, chu chuan Zairemi tan thawvenna pe mah se rilru buaina a hmachhawn leh zat a, palai hmel a hmu ta a. Thanhawla’n palaite leh Zairemi te chhung inremna a hriatin a hrehawm a ti a, a damloh phah hial a. Sehrui sahchah hial an tum uai uai laiin Zairemi lo betu Thangtinkhuma chu sawvawmin a seh palh hlauh mai a. Chu chu Thanhawla te chhungkaw tan chuan thu lawmawm a ni a, tichuan an in nei a, hlim takin an awm ta a ni.

Aristotle chuan, “Plot hi drama tinungtu rau (soul) a ni” tiin a sawi a. Thawnthua thil thleng hrang hrang inrem chhoh dan hian a thlirtute hnenah zawhna leh ngaihtuahna a pe a, lemchan thawnthu ngaihnawmna leh hmuhnawmna a hril thui hle reng a ni. He lemchanah pawh hian plot hi dah pawimawh hmasak ber niin a lang a, chu thawnthu ruangam chhungah chuan mi chi hrang hrang an lo lang a, \henkhat an lo lang zuai a, an liam leh nghal a. A \hen erawh a tawp thlenga mi pawimawh an ni thung.

Rom mi lemchan thawnthu ziakthiam Seneca chuan lemchan pianhmang indawt dan heti hian a remkhawm a- thu bul pho chhuahna (exposition), harsatna lo awm (complication), harsatna vawrhtawp (climax), buaina chhan lo lang chhuak (denouement) leh a tawpa chhiatna emaw hliawma tawp (solution or catastrophe). Heng ang hian lemchan thawnthu inphuar chhoh dan mumal takin a remkhawm a. Heng hi zawh famkim vek ni lo mah se lemchan thawnthu kalhmang tlanglawn ber a ni.

He lemchan thawnthua thil thleng indawt chhoh dan a\anga teh pawh hian he lemchan hi belhchian a dawl hle. Chan 1-na a\ang hian Awnnu khua ten khawthar kai an tum thu te, an tlangval zinga a changtu ber Thanhawla chungcuanna leh a mizia awm tur pawh tam tak kan hmu nghal a, Zairemi mizia leh \henrual kawm thiam zia te, tlangval te ngaihzawn rawn anih zia chiang taka pho lan a ni bawk. Lan 3-naah chuan Zairemi leh Thanhawla inkara hmangaihna kan hmu nghal a. Hun lo kal zela harsatna an tawh chhoh dan te, chu’ng harsatna chuan Thanhawla mai baka Zairemi nun thlenga a nghawng nasat zia kan hmu a. Harsatna leh buaina chhan lo lang chhuak ta chuan thawveng takin min siam mah se hlimna tak thleng tura harsatna lo indin mek kara vanneihna lo awm ta hian he thawnthu hi a ti ngaihnawm hle.

He lemchan thawnthu ruangam indin chho dan hi a mumal hle a, mawi leh fel fai, ngaihnawm takin thil thleng te hi a indawt chho \ha em em. Thanhawla man a nih dan te, chu mi kara Zairemi chunga thil thleng te hian a thawnthu a ti ngaihnawm hle a. A hnu lam chhiar chakna min pe a ni. Zairemi’n palai hmel a hmuh hnua sehrui sahchah mai pawh hnial lova Thanhawla te chhungkua in rawnkhawm laia thil beisei loh lo thleng leh ta thut te hi a fuh hle. He lemchan ziaktu hian buaina leh harsatna chawhchhuah dan a thiam viau a, chu’ng chu mawi leh ngaihnawm takin a la kiang leh \hin. Hei hi thawnthu dang tam taka kan hmuh loh a ni a, thil \ha tak a ni.

Characterization

Lemchanah hian mizia leh dinhmun inang lo tak tak dah khawm a ngaih \hin avangin chher fuh thiam a harsa hle. A changtute hian lemchan ngaihnawmna leh hmuhnawmna an ken tel avangin mi pawimawh ber zinga mi an ni.

He lemchana a changtute huanga tarlan hi mi sawmhnih leh pakua a ni a, heng mite hi lal leh upa te, nula leh tlangval leh an nu leh pate an ni hlawm. Amaherawhchu, lemchan lang si a tira ‘a changtute’ hming tarlannaa lang si lo an awm nual a.

Lungdar tlangval, Chan khatna, lan khatnaa lo langte hi a tira a changtute hming tarlannah hian an awm ve ta mai lo tlat! (p 1-3) Tin, chan thumna, lan thumna ah P>m veng inkang neitu leh mi dang lo langte pawh hi ziah lan a ni lo bawk. Ch>msini te, Seruali te leh B<kthanga te hming pawh a tira tarlan a ni lo bawk. (p110-111) Heng mite lo pawh hi thingfar zana hla hriltu \henkhat te, sakei huai bei tura thawkchhuak tlangval leh val upa \henkhat te hming pawh tarlan a ni lo bawk a. Heng mite nen chuan mi sawmli leh pahnih vel zet a ni. Lemchan thawnthu danga tam thei em em chu a changtu \henkhat ni ve siin hming hran nei lem lovin- tlangval, lal upa, nula pakhat han tih tawpte a tam em em \hin; chung chu he lemchanah erawh hmuh tur a awm meuh lo.

He lemchana a changtu lo lang te hian an mahni chanpual leh lanna \heuhah chuan an \ha thawkhat viau a. Lal leh a upate rorel dan kan hmuh te, nula tlangval han inkawm dan velte hian an nun chiang takin kan hmu thei a. Chawngbawnga mizia leh \awng hman dan inrem leh nasa taka nuih pui theih tur khawpa a awmphung leh che vel han mithlate hian achangtu tur a din dan leh an mizia a tarlante hi han chhiar pawhin chiang takin a hmuh theih awm e. Nula fel leh vengva Zairemi mizia leh \awngkam pawh hian tlangval tam tak ngaihzawn theih hial turin a din thiam a. Lal rorelna hmuna thu leh hla chaitu pawh pahnih khat mai hmang lova a han kar thelh sung mai te hian a ti awihawm hliah hliah a ni.

A changtu ber (hero) Thanhawla hian Zairemi a hmangaihna kawnga a inpekna der dep tak erawh a thawnthu ngaihnawnmna ni mah se hmangaihna lanchhuah nan chuan a nep lua deuh niin a lang. Pasal\ha tlawmngai leh chinchang hre takin Sakei an hualna hmuna a hming chhal a han tum tir ngawtte hi hriat chhuah tir leh mah se anihna nen hian kaihkawp a nuam chiah tawh lo. (4.4, p-148) Kan pipute khawtlang nuna mahni hming pawh chhal lova pasal\ha huaisen zawk leh upa zawkte zai ngaia an awm dan tarlanna \ha tak a nih rualin he lemchana a changtu ber, Thanhawla lo deuh hian ti ta se thil inhmeh tak anih zawk a rinawm.

Vanapa chanchin hi C.Lalnunchanga chuan “Zoram Mi Hr^ngte An Vanglai” tihah chuan he ti hian a sawi a,

Vanapa hi Chawngthu Vanchiau hnam a ni a, an chhungkua hi an ropui hle pawh a ni mai thei, a nu leh pate chuan, “Chawngthu zawng zawng zawng a khum alawm le,” tiin, a lai ah hmingah ‘Chawngzachhinga’ an sa a. A hmingte a lo than hnu chuan, “Chawngthu chauh a kh<m ta lo ve” tiin, ‘Thangzachhinga an ti leh a. Nupui fanaute a neih hnu chuan, Mizo tih danin a fapa hming koh Vanapa a lo ni ta a ni. (Lalnunchanga, 225)

He lemchanah hian Vanapa hian dinhmun pawimawh tak a luah a,pasal\ha dang tam tak karah pawh lal pawhin a thu lakna ber anih zia pawh kan hmu bawk. Vanapa hi he lemchan a lanna ah hian Vanapa tiin lang mah se, ‘U Thangzachhing,’ ‘Thangzachhing’ tih te hi an lal leh mi dangte koh dan a ni teh tlat hi thil inhmeh lo tak a ni.

Mizote hi fa hming koh hmanga in ko mai \hin kan ni a, he lemchanah pawh hian Zanpuimanga pawh ‘Hrangtinaia pa’ tiin an ko fova, midang pawh chutianga an fate hminga koh an awm nual bawk. Vanapa, a larpuina hming zawk pawha ko lova a hmingpum teh lawla han lam rik a ni \hin hian kan pi pute nun nena kaihkawp a rem lohna a ti lang ve thei mai bawk awm e.

Setting

Hmanlai kan pi leh pute nun hi thawnthu angin kan sawi tam ber tawh a. Kan thawnthu leh lemchan thawnthuah te pawh hmanlaia kan pi leh pute nun hmanga kaihrem tam tak a awm bawk. He thawnthu pawh hi a hmun hma leh hun tarlan (setting) hi Awnnu leh Tualte a ni a, Mizo khawtlang nuna hun sawihlawh tak Tualte vanglai tia an sawi fo hun kum 1840 vel bawr niin a lang. Vanhnuailiana hi lal rorel thiam tak anih avangin a khua pawh an bawr hle a, pasal\ha pawh a ngah hle a. A pasal\ha neih te pawh hi a hming mala Mizo pasa\ha lar leh huaisen, ropui tak tak te an ni hlawm.

Hmanlai Mizo lal ropui Vanhnuailiana leh a pasal\ha te, a khua leh tui chanchin behchan deuha ziak niin a lang a. Pasal\ha hming rawn lang te pawh Mizo chanchina mi pawimawh tak tak an ni hlawm.

Heng thawnthu emaw hnam chanchin hlui emaw hmanga lemchan thawnthu din hi Mizo lemchan huangah a langsar hle a. Thil \ha leh pawimawh, thawnthu hriatna \ha tak a nih rualin kawng danga han thlir chuan a \ha chiah lo niin a lang. History hi sawi dan hrang hrang leh hriat dan hrang hrang a awm a. Mahse pawm leh hriat tlanglawn, dika ngaihtheih thil a awm \hin. Heng thawnthu leh chanchin hlui thawnthu awmsa hmanga lemchan thawnthu kan din hian anihna piah lam emaw, thil dang kan belh emaw kan paih emaw hian a hnu zelah hnam chanchin a kuaiher dawrh thei tih kan hriat a pawimawh hle. Vanhnuailiana leh a khuate hi Tualte an kai hma hian Vanchengah an awm niin kan hnam chanchin \henkhatah kan hmu a. Hei hi chhim leh hmar indo chawhnu lam niin a lang.

He thawnthua kan hmuh langsar tak chu hmanlai khawtlang nun hi a ni. Kan sawi tawh angin he lemchana thil thleng leh mihring lo langte hi a taka thil awm leh thleng nei te a ni hlawm a. Heng hian kan pi pute khawvel chiang takin min hmuh tir a ni. Lal leh upa te rorelna chu khawtlang inrelbawlna kawnga thu neitu sang ber leh pawimawh ber a ni a, khua leh tui venhimna kawnga pasal\hate dinhmun pawimawh zia pawh chiang takin kan hmu bawk.

Dialogue

Lemchan thawnthua inbiakna \awngkam hman hi chetzia tel kher lo pawha mihring mize tarlangtu pawimawh tak a ni a. Chumai ni lovin an hunlai boruak leh hmun a zira danglam zel thei tura duanchhuah hi thil pawimawh tak a ni a. Lal leh upa te rorelna hmuna \awngkam leh nula tlangval awmkhawmna \awngkam chu danglam daih a ni \hin. Hetiang chiah hian he lemchana inbiakna \awngkam kan hmuh te pawh hi a hun leh a hmun a zirin an hunlai nun leh zia a rawn tarlang mawi hle.

He lemchan thawnthu hi Mizo \awnga lemchan thawnthu bu mai ni lo, lehkhabu dang chhuak tawh tam tak a\anga teh pawhin Mizo \awng hman chung changah chuan ‘ a ber’ a kai hial mai awm e. |hangtharte tan erawh buai nawkna tham a awm a, hei hi thu leh hla huanga a hlutna chu a ni lawi si! A hunlai khawvel milin he lemchan thawnthua \awngkam hi chher a ni a, achangtute mil tawk leh an \awng anga mawi tawkin he thawnthu ziaktu hian a phuah rem thiam hian Mizo \awng a thiam zia a ti chiang viau awm e. A thawnthu bu kawm hnunglamah chuan PC Lalrinpuia’n heti hian a rawn tuihnih a, “|awng dang tel miah lova Mizo \awng hlanga Mizo taka ziah, hmanlai Mizo nun pho chhuahna leh \awng hlui mawi taka hmanna lemchan thawnthu ‘Sakei Ngho Seh’ thawnthu hi Mizote tan lehkhabu ro tling niin ka hria” tiin a ziak a, hei hian a ti chiang viau awm e.

Chan 1-na lan hnihnaah hian Mizo \awng danglamna leh hausak zia kan hmu a. Mizo \awng chu thumal inangah pawh a thluk mai piah lamah kan thu sawi a zira a danglam theih zia chiang takin kan hmu. A tichiang turin tlem tarlang ila-

Chhawntluangi                     : Kan pa awm ni se, kawm a chak dawn che u nen. A lo l>ng chhuak hman a ni, a pawi ngawt mai.

Chawngbawnga                    : Khawiah nge a l>n?

Zairemi                                 : Zawlbukah ni maw ka ti mai.

Lald^wna                              : Chungte chu a l>nna alawm. A l>n te chu engtin zawlb<kah a ken hleih loh tur!

Cawngbawnga                      : L>n sawi takah chuan kan lal chhiahhlawh P^ngi hian l>n sak zuk thiam z>k a!

Lald^wna                              : L>n sawi takah chuan fur lai khan H^nga pa savawm kah tuiin a l>n asin.

Chawngbawnga                    : U Chhawni khan thli chhe len thu te kha a sawi a, Khawhai kawnah Thingsepui kha thliin a l>n thu tak asin. (1.2, p- 11)

Heng a chunga kan hmuh ‘l>n’ tih thuah ngawt pawh hian thil hming leh nihna engemaw zat kan hmu thei a. Thil chi hrang hrang sawina leh sawifiahna, nimahse thumal inang vek a ni thung. Tin heng bakah hian kan thusawi tum a zira ngaihtlatute chawhphur theih dan te, kan \awng hi inkawm ho nana a \hat zia te pawh a hnu lamah te kan hmu bawk. Heng hi Mizo \awng danglam b$kna leh \hatna kan ti thei anga, he lemchan ziaktu hian a hmang thiam a, an ti ti ngaihnawm taka kalpui siin Mizo \awng mawi zia a rawn tar lang chiang hle a ni.

 Kut beng ri leh chang tum ri thlenga a han thai lang te hi a dangdai hle a. Chuti rualin \ap ri anga a dah erawh chhiar hian lungchhiat lam aiin hlimna lam a kawk deuh \ep niin a lang thung. Chan 3-na lan hnihna t^wp bera Chhawntluangi, Zairemi nu thusawi “…chawchhun i ei tawh ang u” tih hi hmanlai \awngkam lar tak tunlai huna kan chin vak loh a ni a. Chutih rual chuan lo fehna leh ram kalna thilah erawh chuan chaw i fak ang u emaw chaw fak a hun e tiin an sawi mai \hin. Hun bik thliarna kawngah pawh ‘chawfak hun’ kan nei anih kha. Chutiang anih laiin chawchhun a rawn hman hi thil dik tawk lo nichiah lo mah se a aia pi pute \awngkam mawi “Chaw i fak ang u” tih hman nise a famkim leh zual ngei ang.

Mi tin hian \awngkam hman uar bik kan nei fova. Tualte lal Vanhnuailiana pawh hian ‘zeng’ tih hi a hmang uar hle. Pi pute \awng tual leng pakhat, tunlai huna kan hriat zen zen tawh loh a ni a, ‘eng’ (engzat? engtin?) tih ang deuh a zawhna siamna \awng a  ni. He lemchanah hian kan hmu ngun hle a, lal chauh lo midang \awngkamah pawh kan hmu bawk. Chutih rualin ‘engtin/engzat’ tih pawh hman a ni tho a, Vanhnuailiana erawh hian chuan a hmang zing hle a, lal \awngkam emaw tih mai awma tam a hmang a ni.

He lemchan thawnthu phena kan thil hmuh langsar tak chu pipute damdawi, tlachawp damdawi an hman dan hi a ni. Thanhawla rulin a chuh khan Changel tui sawr \hat zia te, tuibur ek an hnawih \hin tih te kan hriat phah a. Kang damdawia artui leh saphai thau hman \hatna pawh kan hmu tel bawk. Heng hian thawnthu piah lamah thil hmangchang leh rikrum thila thil \angkai tam tak min zirtir a, hriatna ti zautu pawimawh tak a ni bawk.

Tlangkawmna

          Sakei Ngho Seh lemchan thawnthu hi kan sawi tawh angin Mizo \awnga lemchan thawnthu phuah kan nei zingah chuan a \ha ber pawl niin a lang a. |awngkam hman dan thuah leh a thawnthu ruangam indin chhoh dan hrim hrimah lemchan pianhmang mawi taka remkhawm niin a lang.

          Lemchan thawnthu phuah chhuah kawngah thawnthu awmsa a\anga chher chawp te, mahni irawmchhuak ngeia thawnthu ruangam dinchhuah kawngah pawh kan thu leh hla huangah lemchan hian hmun a la luah nep hle a. Heng thawnthu hmanlai nun nena inzawm phei chu tunlai \hangthar hunah a chhuak mawh hle. Chutiang anih laia C.Chhuanvawra’n Mizo \awng mawi leh nalh taka  he thawnthu ngaihnawm tak a rawn dinchhuak hi thil lawmawm tak a ni a. Tun hun cauh ni lo, \hangthatr hun thlenga pi pute nun hriatna leh thawnthu hlutna tarlangtu pawimawh tak a ni ngei ang.

work done by Lb Vanchhawng

*****

Work Cited

1.    C.Lalnunchanga, Zoram Mi Hrangte An Vanglai

Bibliography

1.    Lalbiaklina HRK, Pasal\hate Chanchin, Lengchhawn Press-2006

2.    Lalnunchanga C, Zoram Mi Hrangte An Vanglai    , ZOlife, Canteen Kual, Aizawl, 2011

3.    Lalzuithanga F, Laisuih (Essay and Criticism), Lois Bet, Chanmari, Aizawl, 2015

4.    Thanmawia RL, Mizo Hnahthlak thawnthu, Volume 1, Din Din Heaven Publication, Ramhlun South, Aizawl-2009,

5.    Vanghaka KC Dr., Literature Kawngpui, Gilzom Offset, Electric Veng Aizawl, 2010

6.    Dept. Of Mizo, MZU                   -         Theory of Literature, Gilzom offset-2013

Dept. Of Mizo, MZU                   -         History of Mizo Literature, G