Rokunga Hla Mawina Sang Ber Thlir Zauna

Rokunga Hla Mawina Sang Ber Thlir Zauna

I.                   Sawihawnna

Kum 100 chhunga Mizo zinga hla phuah thiam bera Mizoram Sorkarin a thlan Rokunga leh a hla te hian Mizo thu leh hla khawvel ah dinhmun pawimawh tak a luah kumkhua dawn a nih ber hi maw. Rokunga hian hla chi hrang hrang, sak chi leh chham chi te a phuah a. Heng a hla te hi zir tham leh zir tlak tak tak pawh an ni hlawm. Hla phuahtu tam zawk hian hla phuah dan chi hrang hrang an nei a, a chang chuan an rilru chhungril luanliam luat vanga phuah chang an nei a, a chang lahin a \ul vang leh chhan neia phuah angaih vangin an phuah ve bawk a. Tin, a \hen phei chuan chhan mumal pawh awm lo, rilru sawr bingna bik pawh awm chuang lovin an phuah ve bawk. Rokunga pawh hi chuti anga hla phuah \hin, a chang chuan lunglen vang te, a chang chuan midangin phuah tura an tur luih vang te pawh a ni ve bawk. A hla zawng zawng hi midang aia \ha vek an ni tia sawi theih ni lo mahsela a hla phuah zawng zawng hrut rual hi chuan Mizo Poet of the Century hiala an lo thlang hi a awm hle in a hriat a ni.

II.                Rokunga Chanchin Tawi

II.I             A pian leh Murna :

Mizo Hnam hla phuahtu Rokunga hi kum 1914, February ni 20 khan Venghnuai ah a piang a, apa chu Thangluta Hmar niin a nu chu Zalianai a ni. Lehkha thiam thei pawl tak niin kum 1929 khan M.E a zova, kum 1934 a\angin Loch Printing Press (Synod) ah a thawk \an a, a damchhung hun he press ah hian a thawk a ni.

Kum 1935 ah Pastor Chhuahkhama suihin Zamawii nen an innei a, chhungkaw duhawm tak an din.

II.II           A hla phuah \an :

Mizo zinga hla phuah thiam ber nihna neitu Rokunga hian kum 1934 vel a\angin hla a phuah \an a, a hla phuah zat hriat chian theih chin chu 120 vel lai a ni. Kum 1952 ah ‘|halai Hlabu’ a tichhuak a, hetah hian amah hla phuah bakah midang hla \ha tak tak a dahkhawm a. Aizawl Bawrhsap K.G.R.Iyer chuan a ngaihsan avangin March 27, 1956 khan Tribal Literature Grant dawntirin Rs.500/- lai a hlan nghe nghe.

II.III          A hla phuah dan kalphung :

Rokunga hian hla chi hrang hrang a phuah a, ama lunglenna lam pawh hi chhui fe tham a tling hial ang. Ram ngaihna lam hla hi a lar pui ber a tih theih rualin Mizo zingah ani tluka Christmas hla phuah thiam an awm bik chuang lovang tih theih turin Christmas hla pawh hi a phuah nasa in a chhui tlak hlawm. Tin, heng song writer leh hymn writer a nih piah lamah chham hla \hahnem tak a phuah bawk a, hei vang hian poet \ha tak a tih loh theih loh bawk.

III.             Mawina Sang Ber Hla Hawi Zawng

Sawi tawh angin Rokunga hian chhamhla/hlahril an tih bawk hi a phuah nual a, chhui chian dawl tak an ni hlawm bawk. Chung a chhamhla phuah zingah chuan Mawina Sang Ber tih hla hi a mawi pawl tak pakhat a ni.

He hla hian hawi zawng leh sawi tum \ha tak mai a nei a, a thu han chhiar mai hian a hriat theih. He hla hian khawvel khuarel thilmawi tak tak chu sum leh pai leh ropuina nia mihringten kan ngaih aiin an ropuiin an hlu zawk tih a sawi a. Tin, khawvel thil siama mawina bakah chhungril hmangaihna mawizia chu he hla sawi tum ber leh tarlan tum ber a ni bawk. Chumi tifiah tur chuan kil tin a\angin ch^k a fawmkhawm thiam hle.

Rokunga chuan zing thawh hlim a\anga tlai nitlak thlengin khawvel chu thil mawi awmna a ni tih tichiang turin Zing >ng mawi leh tlaitlain hmuntin an tih mawi thuin bul a\an a, chhunlam khawvel liamhnu pawha zanlam khawvel timawi tura Thla leh Arsi mawi zia pawh a lo sawi chhunzawm bawk. Chutiang khawvel kara Rokungan ram a chuan lai chuan Tlang s^ng mawi tak tak te, ram zawl nuam em em te leh Lui tui luang ri her her te chuan mawina chi hrang hrang an nei a ni tia sawi zawmin khawvel khuarel duhawm zia leh ngaihno bei zia te, a thlir thiamtu leh ngaithla thiamtu tan a ennawm leh rimawi an tlin zia thiam takin a sawi a ni.

Rokunga chuan hnim hring leh hlober mai mai te, tlang sang pui pui leh tlang te

 zawk te, Thing lian pui pui leh te zawk te pawh hi Pathianin a hran \heuhin mawina a pe niin a sawi a. Chutiang thil siam hrang hrang, hnuai lama chengte leh chung lama khawsa te pawh chuan Pathianin an nih dan tur a duan ang \heuhin mawina chi hrang \heuh an nei niin  a sawi bawk a ni. Hei hian thil siamte khawvela cheng tur thil siamtuin thil a siam thiam zia a chiang hle bawk.

Siamtu mit a\angin a thlir emaw tih mai turin Rokunga chuan naupangte duhawmna te, tleirawl te mawina te leh puitling tawh leh kum upa tawh te pawhin mawina hrang \heuh an neih zia a sawi chhunzawm a. Tin khawvela cheng mihring te pawh hian chutiang thilsiam chungchuang zingah pawh mi hmingthang te leh hmel\ha te kan dahsan zia a sawi lang bawk. Mihring hi Pathianin duh taka a siam, a thilsiam zingah pawh a vohbik kan nih zia chiang takin a hriat theih a, kan mihring finna a\ang pawha thil mawi leh \ha kan teh thiamna pawh hi chutiang mawina danglam bik kan neih vang ni ngei pawhin a hriat bawk.

Heng khuarel mawina hrang hrang te, thilsiam mawina leh duhawmna te bakah nungcha te leh thilnung dangte mawina hi teh theiha khawlkhawm theih chu ni sela rangkachak leh lunghlu tam tak ang maia hlu an nih zia alan chian dan tur sawi chhunzawmin hetiang thilsiam leh khuarel mawina Khuanu’n a dah hi a ropuiin a hlu a ni tih a sawi a. Chutih rual erawh chuan pawnlam mawina bakah chhungril mawina, mizia leh nihna hi a pawimawh zia hmaih bik lovin ‘Hmangaih mawina’ hi chu’ng zawng aia hlu leh thlir nin theih loh a nih zia a thai lang bawk.

Rokunga chuan he hmangaihna hi dah pawimawhin Rangkachak leh thil hlu, mihringin kan neih hlut leh ngaih hlut ho, Khuanu ruat nilova mihringin kan dah hlut ho hi awm khawm sela, chutiang sirah chuan hmangaihna hi amal pawhin ding sela, hmangaih mawina tho hi chutiang thildang mawi tluk thei chu a ni tiin a sawi a ni.

He hla a\anga lang chiang em em chu hmanngaihna ropui zia hi a ni a. Rokunga hian khuarel thil a ngainat piah lama Pathianin leilunga a din sa te hi mawi a ti a. Chumi piah lamah Pathianin mihring rilru chhungrila a phum Hmangaihna hi chutiang thil ropui dangte lakah chuan a danglam hle a ni tih he hla ah hian sawiin, hmangaihna hi chutiang khuarel thil ropui te leh mihring ngaihhlut hausakna te aiin a ropui zawk tih a sawi a. Chu hmangaih mawina chu Mawina Sang Ber niin a ngai a ni.

IV.              Hla Nihphung (Gendre)

Mawina Sang Ber tih hla hi Mizo chhamhla kan neih hmasak zingah pawh hla \ha pawl tak leh chik tlak tak a ni a. He hla hian khawvel dangte thu leh hla a\anga thlir pawhin tehna hrang hrang a paltlang thei hial.

He hla hi a duh tan chuan hla kh<n (Ode) ah hial a chhiar tlak a, fir taka tehtu tan chuan a nihna kelh kelhin tling lo mahsela he hla hi hla mawi tak leh khun tak a ni tih chu a pawm theih ang. Chutih rualin he hla phuahtu hian Khawvel literature peng an tehna hre r^n chung leh, chutiang tehna paltlang tum sa rana he hla hi a phuah a nih loh avangin tehna hmanga teh tlin loh avang maiin he hla hi hla \ha a ni lo tihna a ni lo. Tehna hre l^wk sa hauh lo chunga a phuah chung pawha hla \ha te huanga rin luh theih a nih vang zawk hian he hla hi hla \ha leh ril tak a ni tih a chiang zawk a ni.

Eng pawh nise he hla hi Hla khun (ode) a kan khung Pumhlum thei lo a nih pawhin he hla hian Ode nihphung tam tak a keng tih a hriat theih a, he hla hian khawvela thil awm zinga mawina sang ber hmangaihna chu thupui bera neihin, \awngkam mawi bik hmangin uluk taka duan chhuah a ni a. Tin, Ode nihphung ang takin thil chh<t chhunzawm ngai thupui laimu atan hian a lo hmang bawk.

He hla ah hian mawina sang ber chu sawifiah leh lansarh tir a tum a, chumi kawngah chuan thil mawi dang chu sawi lan hmasak a ni a. Hetianga a sawitum ber tarlan a nih theih nana thildang sawi leh entirna ang maia hman hi Ode nihphung pakhat a ni bawk.

He hla ah hian thil nung ni lo chhungril lam leh taksa lama mawina tam tak a sawi hi thil nung te ang maiin a cheibawl a, an mawina pawh thil nung dangte mawina ang maia lang thei angin a sawi chhuak. Hetianga personification zeh tel hi thil mawi tak leh ode nih phung pakhat ve reng a ni bawk.

Tin, he hla hian a sawi tum hi a hel kual lem lova, mawina sang ber hi a thlur bing nghal tawp a. Chumi atan erawh chuan thil mawi chi hrang hrang chu a khawn kual thung. Hetiang ang ziarang chi hrang hrang han thlir hian he hla hi ode kalhmang tam tak nei a ni tih a hriat a, hei hian hla \ha tak a ni tih a tilang chiang hle a ni.

Kawng lehlama thlir chuan he hla hi Idyll nihphung keng hla a ni a tih theih ang. A hma lama kan lo sawi tawh angin a phuahtu hian hetiang hla ziarang leh nihphung hrang neih tum sa a he hla hi phuah a nih loh avangin tehna hrang hrang hmanga tehin an tling vek lo a ni thei. Amaherawh chu a hla ziarang leh indin dan te thlir hi chuan he hla hi Idyll nihna keng hla \ha tak a ni tih erawh hai theih a ni lo thung.

Idyll ah chuan nihphung langsar tak pahnih a awm \hin a, pakhat chu thil chi hrangte inlaichinna niin adang leh chu a thusawi tum (central idea) a sawifiah dan ah a ni. Hetiang nihphung langsar bik pahnih nei hmang hian Idyll hi thliar a lo ni \hin a. Chung zingah chuan Ode a mi te, Ballad leh Lyrics a mi leh hla ze dang hrang hrang hmanga phuah te pawh hi Idyll nihna nei thei an awm nawk mai.

He hla ah pawh hian khuarel thilsiam mawi tak tak, thla leh arsi, zinglam boruak leh tlailam boruak te, tlang leh luite leh thildang tam tak tarlan an ni a. Heng hrang hrang te inkungkaihna chu mawina a nih zia thiam takin tarlan a ni. Tin, chumi piah lama pawnlam mawina leh chhunglam mawina pawh a inkungkaih zia chiang takin a tarlang bawk.

Idyll hla nihphung pakhat angin he hla hian a sawi tum mawina sang ber hi a sawifiah chiang hle in a hriat. Mawina sang ber tia a lo sawi Hmangaihna hi khuarel thil mawi hrang hrang leh khawvel thil hlu nia kan hriat Rangkachak leh Lunghlu ai pawha mawi a nih zia chiang takin a sawi a. He Hmangaihna mawizia sawifiah tur hian heng thil mawi leh hlu hrang hrang te hi thiam takin a tarlang hmasa a, chu’ng thil zawng zawng aia mawi chu Hmangaihna a nih zia a sawi leh tak si avang hian hmangaihna mawi dan tur leh ropui bik dan tur chu mi mawl ber tan pawh a mitthla theih hial a ni.

V.                 Hla Ruhrel (Structure)

Hla phuahdan kalhmang leh ruhrel (structure) chi thum zingah he hla hi Contrast structure hmanga phuah a ni a. Hetiang hla ah hi chuan thil chi hrang khaikhin emaw sawi ho emaw a ni chawk \hin.

He hla ah pawh hian khuarel thilte leh mihring ngaih hlut thilte bakah mihring chhungrila mawina awm te chu sawi chhuah leh tarlan an ni a, an mawina khaikhin a ni bawk. Hemi a nih avang hian he hla hi Contrast structure emaw Compare structure emaw a ni tiin a sawi theih a ni.

VI.              Hla rua (poetic techniques/ figures of speech)

Rokunga hla Mawina Sang Ber ah hian hlarua hrang hrang hmuh tur a awm ve thliah thluah a. Chung zingah chuan simile,metaphor leh hyperbole  nia ngaih theih \henkhat te hi a langsar zual te an ni. Tin, Synecdoche pawh sawi tel duh tan chuan a awm a tih theih bawk ang.

He hla ah hian khuarel mawina hrang hrang hi uar takin a sawi a, heng a thusawi te leh hming bik a tarlan tlemte te hian khuarel thil zawng zawng a huap zawh avangin synecdoche \ha takin a hmang tiin a sawi thei.

Tehkhinna ang chi hi midang hman loh dan deuhin a hmang nual a, amaherawh chu a hla thu hman \henkhat te hi tehkhin nana kan hman bik hla thu te a awm avangin simile ah an chhiar theih.

Sawi hmaih theih hauh loh chu a line arrangement leh end rhyme mawi tak hi a ni. He hla hi Stanza 5 ah \hen a ni a. A hmasa lam 4 te hian line 7 \heuh an nei a, a tawp ber stanza erawh hi chuan line 6 a nei thung a. Hetiang hi dang dai tak leh hmuh hmaih theih hauh lo a ni. Tin, he hla tlar tawpna hawrawp inzul a hman hrang hrang te hi in chhawk kim dim diam loh mahsela inzul tak tak leh in ang deuh thlap thlap an nih avangin he hla a end rhyme te hi mawi danglam bik tak an nih zia a hriat theih bawk.

He hla ah hian Pathetic fallacy tia sawi theih, a chang tawp berah hian a awm bawk a. Rokunga chuan a suangtuahna hmangin khawvel thil mawite chu awmkhawm tirin chhungril mawina nen hmun khatah a din tir a. Hei hi suangtuahna hmanga lem din a tih theih avangin Pathetic fallacy a tih theih a ni.

VII.           Poem Overview

Hla hian hla ni tur chuan ziak loh thil hrang hrang tehna a paltlang theih a ngaih chang a awm ve \hin. Hla hril \ha chuan mihring rilru a hneh mai \hin a, chu mihring rilru a hneh dan leh a hneh chhan chu thil chik mite chuan kawng hrang pali in an \hen a. Chutiang hrang hrang hmang chuan he hla hi lo thlir leh ila.

VII.I          Hlahril (poem) chu mihring thinlung chhunga kan thil vei emaw ngaihtuahna a\ang emaw a phuah chhuah a ni \hin. Rokunga hian he hla hi a thil hmuh leh hriat a\ang ringawtin a phuah lo niin a hriat a. He hla ah hian suangtuahna in mawina hrang hrang alo ngaihtuah \hinte dahkhawm a chuta \anga he hla hi lo chhuak a ni tih a hriat a ni. Khawvel thil leh khuarel thil te hi a thlirtu a zirin a danglam em em a, chutih lai kara chhungril lam thil nen mawi tak leh thiam taka a lo tehkhin chhuak leh hetiang mawina a lo lakhawm thiam hi suangtuahna leh thil vei luangchhuak a ni a tih theih a ni.

VII.II         Hlahril chu a duh uluk deuh chuan thu luang(flow) \ha hi a ni an ti \hin. Hetiang hla ah chuan thu thluk nei hmang thiam leh hla thu chhep thiam te hi an dahsang deuh \hin. He hla a Rokunga’n hla thu mawi tak tak a han dah mar chho te hian he hla hi hlahril \ha tak a ni a tih theih ang. Tin, hla phuah thiam chuan hla hi thu rimawi hmangin an phuah \hin an ti a, han chhiar mai pawh hian chu chu a hriat \hin. Rokunga hla pawh hi thu rimawi hmanga phuah a ni a, a bul \anna ‘Zing >ng mawi leh tlai tla >ng hian, Khawvek hmun tin an mawi’ tih a\ang ringawt pawh hian Rokunga thuchheh thiam zia chu a lang nghal in a hriat theih a ni.

VII.III.      Hlahril nihna an sawi pakhat leh chu finthuril (philosophy) an pai leh pai loh ah hian a ni. Fin thuril han tih hian mihring nun kawngdik zawh tura inzirtirna lam kher erawh a kawk lova, han chhiar maia hriat fiah mai theih loh, kher ngai leh zirchian ngai, hriat chian hnu chauha awmze danglam kan hriat theih te hi a kawk zawk mah. He Rokunga hla pawh hian kheh ngai tam tak a keng a, khawvel mawina hmuthiam lo te tan thlirna mit thar a pek bakah thilnung leh nung lo, chhungril lam leh pawnlam te nen lam tehkhina khaikhin nachang min hriattir a. Hei hian he hla philosophical though ropui zia a tichiang hle a ni.

VII.IV        Hla lama duh uluk tak te chuan hla chu mawi taka phuah a ni tur a ni tih hi an thupui pakhat a ni bawk. Hla hi thu hmanga phuah a nih avangin thu holam leh tluangtlam lutuk te, thumal kalphung leh thumal hman te a zirin hla \ha leh \ha lo hi a lo thliar theih hle bawk a. Tin, han chhiar mai pawha hla lo lutuk leh thutluang lutuk hi thil awm thei ve tho a ni bawk. Rokunga thung hi chuan hla thu chheh a thiamin a thuhman hi a mawi a, han chhiar mai pawh hian rimawi a pai tel tih a hriat theih nghal a ni. A hlathu hman te hi mawlmangte te niin lang \hin mahsela a hmanna hmun leh hmanna hun an dik miau avangin he hla hi mawi taka phuahchhuah a ni a tih theih a ni.

VIII.        Poem Criticism

Fakselna(criticism) huang chhung a\ang kan thlir chuan he hla hian fak phu tak takna lai leh \hat tawh lohna lai a nei ve nual a. Chutih lai erawh chuan a tlangpui thua thlirin he hla hi hla \ha tak zawng a ni ngei mai. A tir lama kan sawi tawh ang in hla hi a phuahtu hian rilru luanliam luat vang te leh chutiang ni kher lova tihluihna deuh reuh hmanga an phuahte an nih ve \hin avangin \hat chang leh \hat loh chang an nei fur a. Tin, an thinlung luanliam luata an phuah tam tak pawh hi critical deuha thlir sak an rem lohna chin a awm fo bawk.

Hla hi chu hla a nih miau avangin a thu chheh dan te, a thu ken te leh a grammatical thil tea thlir ngawt rem lohna a awm a, amaherawh chu chutiang a\anga kan thlir a nih pawhin a sualna a awm chuang lo thung. Chutih rual erawh chuan hla hi chu a lo hretu rilru hneh thei a niha, a phuahtu rilru ang maia kan suangtuahna a khurbing pui thei a nih chuan hla \ha a ni mai a. Hmanlai kan fakna hla chhuak hmasa ulh pui pui leh khun khan pui pui te pawh kha a lo hre tu tan chuan \awngkam mawi leh nalh a awm lo a nih pawhin vanram tingaitu hla an nih chuan hla \ha tak an nih theih tho na lai pawh a awm bawk. Hetiang a nih avang hian hla \ha leh \ha lo hi a tehna siam ngawt theih an nih lohna chin a awm \hin.

Amaherawhchu hla chu a zirtu tan chuan zir tham tak tling hi khawvelin hla \haa a pawm dan a nih avangin kawng hrang hrang hmanga thlir thiam erawh a pawimawh hle a. He Rokunga hla pawh hi a technique hman te, a figures of speech te, a construction te, leh a theme te chauh kan thlir a nih chuan \hatna leh \hat lohna lai a awm nawkin a rinawm.

Amaherawhchu Rokunga hian hla phuah a thiam hle tih erawh he hla a\ang hian a hriat a, a hlathu hman mawi tak, nem thlap leh inla lawn bawk si hmanga hming mak tak tak, mawi tak leh rem tak chung sia a han chhep chhuak thiam hian Rokunga themthiam zia a tilang chiang hle. Tlang sang tak tak a hmanna leh zehna te hi hla phuahtu tam tak chuan an harsat ngawtin a rinawm a, hla tawite si a hetiang thil hrang hrang mawi taka a chuktuah khawm thiam hi a ropui a ni.

Chutih rual erawh chuan sawiselna tur lai a awm lo thei lova, Rokunga hian he hla ah hian end rhyme mawi tak tak a han hmang te hi hei aia mumal leh remdik zawk chuan a hman theih ngeiin a rinawm. Tin, a thuken laimu ber Hmangaihna hi duh angin a tarlang nasa tawk lovin a hriat a. A mawina ropui ber hi khuarel thil mawi zawng zawng leh kan ngaih hlut thil ropui te aia a sawi ropui chung hian ala sawi ropui tawk lo deuh a tih theih bawk ang.

Techincal taka thlir chuan he hla hian Ode ziarang hi a keng tho nain a la duhthusam loh deuh a tih theih anga, hei aia khunkhan leh mawi zawk hian tih dan ala awmin alang bawk. Tin, poetry dang a duan te ngaihtuahin figures of speech a hmang \ha lo hle tih he hla ah hian alang thei bawk.

Nimahsela kan sawi tawh angin hla phuahtu hian hla hi tehna paltlang tum sa rana a phuah a nih loh avangin hetiang critical taka kan thlirna hi a paltlang famkim thei lo a nih pawhin he hla mawina leh ropuina hi a nep phah chuang reng reng lova, he hlain a sawi ropui tak chhungril lam mawina duhsak taka min chhawp chhuahsak hi keini he hla lo hre tute tan chuan malsawmna leh finna hnar a tih theih a ni.

IX.              Tlipna

Heng kan sawi leh tarlan tak hrang hrang a\ang hian he hla hi hla \ha leh ropui tak a ni tih a hriat theih a, a phuahtuin hetiang taka \ha a a lo phuahchhuak hi inchhuanna tham hial niin a hriat a ni.

Lehkhabu Rawn :

1.      Laltluangliana,Khiangte(Ed) Mizo Hla leh Chham Hla te. Aizawl: L.T.L Publication. 2009. Print.

2.      Laldinmawia,H. Literature Lamtluang. Pune: CreatiVentures. 2015. Print.

3.      Darhmingthangi. Zikpuii Pa Hnuhma. Aizawl: Mizoram Publication Board. 2000. Print.