Silaimu Ngaihawm Theme

                      Silaimu Ngaihawm tih tahwnthu ah hian thupui laimu (theme) awmthei hrang hrang a, chung thupui laimu awmthei te chu :

                        1. Nula Tlangval Inhmangaihna,

                        2. Ram leh hnam hmangaihna,

                        3. Independence Movement, leh

                        4. Political Party Proclamation, te an ni.

            Silaimu Ngaihawm tih thawnthu in Thupui laimu atan a hman hrnag hrangte khi lo sawifiah i la:

            1. Nula Tlangval Inhmangaihna:

            Silaimu Ngaihawm hian a tarlan tum ber ni a lang chu Nula leh Tlangval inkara hmangaihna awm leh chumi in thil a thlentir chu a ni.  He thawnthu ah hian Sanglura, Mizo sipai leh Ramliani inhmangaihna chanchin kan hmu nasa hle a. a tir a\ang rengin hei hi thupui ah alo hmang emaw tih turin hmuh tur a awm.

            L.T Sanglura, CH’ Bn Mizo Army thlan chu Bung khatna ah hian a lo lang a, he thlan hian pawimawhna tak neiin Mizoram chhungah thuthang mak tak tak a ti tam em  em a, a chhan chu he thlan hi tu tih an hriat loh, nimhasela Tlangval Sanglura hmangaih em em tu Ramliani’n tuma hriat lohva a lo tihfai \hin vang a ni.

            Chutiang chuan thawnthu chu a kal chho zel a, Sanglura chuan ram leh hnam sipai zawm a Mizo Army-a a inpek hnu chuan Hualtu khuaa Krismas hmang turin a \hianpa Zaikima nen Pakistan a\angin an lo chhuak a. chumi \um chuan Sanglura chuan a hmangaih em em Ramliani chu a tawng ta a.

            Nimahsela Mizo sipai, Independence sual avanga ram mu an nih vang leh vai sipai ram chhunga an awm reng si avangin Sanglura leh Ramliani chu inhmuh pawh an inhmu \ha thei lova, lungleng leh rambuai hrehawm karah nun chep tak an hmang a ni tih alang a. Tin, chutiang taka inhmu hlei thei lova inhmangaihte pahnih an awm avang chuan lehkhathawn te hial an inthawn thu pawh he thawnthu hian a tarlang bawk.

            Sipai silaimu tawnga Sanglura a tluk hnu pawh khan Sanglura chuan a awma ‘stengun’ mu t^ng chu kawn chhuakin “Hei chiah hi ka nunna min laksaktu silaimu chu a nih hi.....He ka nunna latu silaimu ngei hi Rami i rawn pe dawn nia” a ti hram hram a. Hei hian Sanglura’n Ramliani a hmangaih zia leh a hnuk chah dawn meuh pawh a a ngaihtuah zia a tilang awm e.

            Chutia Sanglura a boral tak hnu chuan Ramliani pawh chuan Sanglura ngaia lungleng reng reng in hun a hmang a, hna a thawk hleithei lova, damlohna em em sawitur nei si lovin a bawrhsawm tial tial a. A tawpah zawng a rilru  natna leh lunglenna chuan a nunna a la ta nge nge a nih kha.

            Khang thil thleng hrang hrang khan Sanglura leh Ramliani te inkara hmangaihna awm chu a pho lang a, chuvang chuan he thawnthu laimu (theme) chu Nula Tlangval Inhmangaihna a ni tih a hriat theih a ni. 

          2. Ram leh Hnam Hmangaihna :

            He thawnthu ‘Silaimu Ngaihawm’ in thawnthu laimu (theme) atan a hman nia lang dang chu Ram leh hnam hmangaihna a ni.

            He thawnthu hian ram leh hnam hmangaihna hi tarlan tumin thawnthu a duang a, chumi atan chuan Sanglura leh mizo sipai dangte hmanruaah hmangin a thawnthu ti ngaihnawtu atan Ramliani leh Sangkimi te a lantir bawk ni in a lang.

            Thawnthu bul in\anna a\angin Ram leh hnam chhana thlafam changta L.T Sanglura, Ch’ Bn Mizo army thlan chu tarlan nghal a ni a, hei hian a chhiartute rilru ah eng vanga chulai thlan chu awm nge a nih tih te, a hun te, a chhan te chu rilru ah lolut nghalin r^l kut a thi Sanglura chu khawngaihna rilru min siamsak nghal a. Chuchuan ram leh hnam chhana ke pen a nih dan te suangtuahna a min ngaihtuah tirin ram leh hnam chhana thi ta te nun hlutna tak tak min hriat tir thei a.

            Tin, Sanglura mai ni lo lehkhathiam dang Zaikima te, Hmingthansanga te pawh Mizo Army zawm a ram leh hnam chhan tura pen chhuak an nih zia a tarlang tel chuan mizo pasal\ha te dinhmun leh nihna, ram an hmangaih zia leh chu an ram tana engkim an huam zia te, chan ngai a awm a nih pawh a ram tana engkim chan huam an nih zia te thiam taka a tarlang hian he thawnthu laimu chu ram leh hnam hmangaihna a nih zia a ti chiang bawk a ni.

            Tichuan, a thawnthu in hmanraw lianber a tana a hman Sanglura chu a tawpah boral zui tirin ram leh hnam chhana boralta boral dan chu a hlut zia a tarlang a. Ram leh hnam hmangihna avanga thih thlenga nun hlanta Sanglura chu ram palaileng a thi a, tu hriat miah lohva phum bo tak ni mahse a maha awm ram a hmangaihna zawk chu a chhiartute rilru ah tuhnghetin thiam takin a lo puangchhuak a. Hei vang hian a thawnthu laimu (theme) chu Ram leh hnam Hmangaihna a ni a tih theih bawk ang.

          3. Independence Movement :

            He thawnthu Silaimu ngaihawm hian a thawnthu laimu (theme) a tana a hman ni a lang leh dang chu Mizoram Independence Movement hi a ni.

            He thawnthu in laimu a a hman tifaih tur hian hmanrua atan a changtu(character) hrang hrang a duang chhuak a, chung zinga lian ber chu Mizo sipai LT Sanglura, a ni thung. A tir te a\angin a hunlai ngaihtuah thei turin thil thleng pholan a ni a. Zaikhuma te unau zinga naupang ber Zaikima chuan a hunlai a mizo te rilru a awm ber ram leh hnam sipai niha ram tana Independence sual chu a tih makmawh ah a ngai a. A chhungte chuan chutia an fapa tlum ber ral kuta thi mai tura inpek a duh ta mai chu an phal lo hle a, tihdan hrang hrang a thlemin \hulh tir an tum a. Nimhasela Zaikima zawng dan rual lohvin Mizoram tana Independence sual turin a tlanliam ta a nih kha. Chu chuan Independence Movement thawm nat tur zia leh a hunlaia mipui rilru a hnen tur zia a pholang a ni.

            Tichuan Independence movement chuan Zaikima mai bakah midang tam tak chu a hrut kual ta a, ei leh intur pawh awm \hat lohna hmunah te, lungmuang leh rilru hahdam reng reng a awm theih lohna hmunah te, leh \ahna ramah te chung a changtu atana a duan te chu a kal kual tir ta nuaih mai a. Zaikimi te leh Ramliani te meuh pawh chu an chhungte nen lam Independence movement hri avang chuan hrem an ni ta a, khawkhawm te hial tawkin lunglen nen rilru engthawl lo nen tlapang bawk siin hun a hman liam tir ta a.

            Chutih laiin lamlian lehlam a Mizo Union ho in Independence movement chungchang a hma an lak dan te, Congress in tha an thawh dan te nen lam tarlan kil kel a lo ni leh ta zel mai a. Hei hian he thawnthu in tarlan a tum ber chu chutih hun laia Mizo ten zalenna kan sual an chu ni in a tilang a. Chuvang chuan thawnthu laimu (theme) chu Independence movement a ni tiin a sawi theih bawk a ni.

          4. Political Party Proclamation :

            He thawnthu in thupui laimu (theme) atana ahman ni awma lang thei dang leh chu Mizoram a Political Party hrang hrang te dinhmun leh nihna phochhuah (Proclamation of Political Party in Mizoram) ni in a lang.

            He thawnthu hian a ruangam atan leh a hmunhma (settings) atan Mizoram zalenna sual dan (Independence Movement) chu a hmang a, chu a ruangam hmang \angkai chuan chu thila Political Party hrang hrangte ngaihdan leh nihna a lo phochhuak a ni a tih theih a ni.

            A thawnthu bul\anna lamah Zaikima chuan Mizo National Front (MNF) thupui zawma mizoram chu India ram a\anga zalen tura beitu pawlah luh a tum thu tarlan a ni a. Nimahsela Zaikima pa, chutih hunlaia Mizoram District Council a roreltu tih theih Mizo Union ruh em em chuan a phal tlat lo mai a. Tichuan Zaikima chu MNF rilru a\anga hruai hrang turin Mizo Union councillor lai in a zilh phah ta  a nih kha.

            Chutih lai hun chuan party tin mai khan an mahni ngaihdan kha dik berin an hre \hruh ni in a lang a. MNF lah khan India ram hnena zalenna neih mai kha an inring a. Chutih laiin Mizo Union lahin mizo chuan engtik ah mah India chu hneha zalenna hmu theiin an inring lo thung a. Mahni \an \anna hmunah ruhseh vawnnat takin an thupui ve ve chu an vuan a nih hmel.

            Tichuan Mizo Union in theihtawp a an zalen theihlohna dan an tlang^u pui hnu pawh chuan MNF chuan a hnampum mawhphurh anga lantirin zalenna sual turin rammut hna chu an thawk ta a. Chutiang a thlen theih nan erawh he thawnthu ziaktu hian a changtute chu hmanrua (materials) a tan a hmang ta hlawm ni in a lang a ni.

            Tichuan zalenna an sual thu leh indo thu pawh ziak tam lem lovin a thawnthu chu kalchhohtir mup mup a ni ta a. India lah in tlawm an tum bik siloh avang leh Mizo sipai lah umbo ang duak an nih tak avangin Mizo zinga politics luhchilhtu \henkhat chuan an unaute tuarna chu a thlawn mai ang tih an hlauh tak avangin ngaihtuahna tharin India ram laili lama Political Party lian tak hming hawhin Congress Party chu an din ta a. Chu Congress party chu Remna Palai tih a nih nghe nghe thu tarlan a ni bawk a nih kha.

            Chu paty thiltih leh nihna pawh chu adang ang bawk a tarlan niin Mizo te tuarna in lukhawng nei tho sia Mizo sipai leh India sipai inbiaktira remna siam chu an thupui a nih thu tarlan a ni bawk.

            Hetiang a Mizoram chhunga Political Party hrang hrang dinhmun leh nihna, an thupui leh an hmalak dan tarlan a ni hian he thawnthu in a tum ber chu Mizoram political pparty te phochhuah niin a hriat a. Chuvang chuan he thawnthu laimu (theme) chu Political Party Proclamation a ni a tih theih abwk a ni.

            Khi’ng kan tarlang hrang hrang, point pali te khi he thawnthu Silaimu Ngaihawm in thawnthu laimu (theme) atana a hman te chu an ni e. Ka lawm e......