Vankhama

Vankhama hi kum 1906 ah Diarkhaiah a piang a, apa hming chu Vanchhunga a ni. Aizawl, Silchar, Shillong leh Calcutta ah te lehkha a zir \hin a, thu leh hla lamah pawh nasa taka inhmangin a hlawhtling hle nghe nghe a ni. Kum 1970 khan khawvel a chhuahsan.

Zothanga

 Zothanga hi kum 1905 khan Muallung (Tuna Khankawn nita) khuaah a piang a, apa hming chu Zaphunga a ni. Apa hi a thih hma avangin apa hna thawh \hin khawchhiar nih chu a chhunzawm a, nimahsela amah pawh hi dam rei lovin kum 35 mi lek niin 1940 khan a boral ve ta a ni.

Lalzova

Mizo hla phuahtu hriat hlawh tak Lazova hi Lungleiah kum 1924 khan a piang a, apa hming chu Hnuna a ni. Lehkha thiam thei tak niin Serkawnah leh Aizawlah lehkha a zir \hin a, hemi hun Kolkata a lehkha a zir lai hian a lunglen >m avangin a lo haw a, a zir zawm ta lo a ni.

Selet Thanga

Selet Thanga hi kum 1920 khan Lamchhip khuaah a piang a. Police lama a \an zet hnuin Sialhawk leh Bukpui Middle School ah a thawk leh a, chumi hnu chuan Govt Mizo High School ah kum 28 lai a thawk leh a ni. Thu leh hla lamah a tuiin sulhnu a nei \ha hle a, kum 1995 December khan a boral ta a ni.

H Lalringa

H.Lalringa hi kum 1928 ah Lunglei Rahsi vengah a piang a, apa hming chu Suakthuama a ni. Hla 30 lai a phuah a, a tlangpui thuin a hla te hi kim 1953-1955 inkara a phuahte an ni tlangpui. Lengzem, leng zawng, khawhar hla leh Krismas hlate a phuah tlangpui a ni.

C Chhuanvawra

 C.Chhuanvawra hi kum 1941 khan Leithum khuaah a pianga, apa hming chu Hrang\hiauva a ni. Thu leh hlaah a tui hle a, hla 70 vel a phuah tawh a, lehkhabu 14 vel a ziah tawh bakah mizo grammar a thiam em em bawk a ni. Kum 2014 khan India rama chawimawina sang Padma Shri a dawng nghe nghe.

C Durthanga

C.Durthanga hi kum 1944 ah Khawruhlian khuaah a piang a, lehkha a zir thui lo nain a upat lamah ziak leh chhiar thiam tuma a beihna a zarah thu leh hla thiam tak a nih phah ta a ni. Hla 500 dawn lai a phuah a, a hla phuah tlangpui chu Lengzem hla te, Ram ngaih hla te leh Inpumkhatna lam hla te an ni tlang pui.

C Lalkhawliana

C.Lalkhawliana a ni a, 24 July 1937 ah Reiek khuaah a piang a, kum 1960 ah B.A a passed a ni. C.Lalkhawliana hian hla chi hrang hrang 40 vel a phuah a. He hla hi Chhippui khua-a a awm lai kum 1969 November thlaah a phuah a ni. A hming bula C hi ‘Charlie’ tihna a ni.

Patea

He hla phuahtu hi Zaliana a ni a, Patea tiin an ko \hin. Apa chu Selbawnga niin anu chu Sinmawii a ni a, kum 1894 ah Tualte khuaah a piang a, Leng khuaah te, Sailulakah te, Khawbungah te an pem kual \hin. Hla 55 a phuah a, a hla phuah hmasak ber chu ‘Ka ropuina tur leh ka himna hmun’ tih niin kum1920 vel khan a phuah a ni. March ni 23, 1950 khan a himna hmun van ropui panin Khawvel a chhuahsan ta a ni.

Liandala

Liandala hi kum 1901 ah Lungrang khuaah a piang a, a pa chu Dophung a ni. Zirtirtu hna tawkin hmun hrang hrangah a awm kual \hin a. Mizo nun chawisan duh mi a ni. Hla phuah bakah rimawi a ngainain a thiam em em a. A hlate hi a thu leh a thluk a uluk avangin a rilin a \ha thei em em a ni. Hla 102 vel kutchhuak a nei nia hriat a ni. Kum 1980 khan kum 80 mi niin a boral.

Zirsangzela Hnamte

Zirsangzela Hnamte hi kum 1952 khan Sialsuk ah a piang a, apa chu Kawlkhuma a ni. A.I.R, Aizawl Station ah thawkin Asst.Station Director a ni a, he hna hi a dam chhungin a thawk a ni. Amah hi hla phuah thiam leh zai thiam tak a ni a, hla 75 vel a phuah nia hriat a ni a, ‘Zirsangzela Hnamte Hlate’ tihah erawh chuan 69 chauh dah a ni thung. Kum 2002 khan kum 50 vel lek niin a boral ta hlauh a ni.

PS Chawngthu

Pahlira Sena Chawngthu (P.S. Chawngthu) hi Mission Veng, Aizawlah kum 1922 khan a piang a, a pa chu Ch.Pasena a ni. Navy lama a thawh hnuin A.I.R. ah thuthar puangin a awm leh a, 1982 khan a pension a ni. P.S. Chawngthu hi rimawi tum thiam tak leh hmingchher tak a ni a, thu leh hla lamah pawh kutchhuak a nei nual bawk. Hla 50 vel a phuah a, a hla phuahte hi a \ha hlawm hle. Kum 2005 khan he khawvel leh a rimawi ram hi a lo chhuahsan ta a ni.

Dura Chawngthu

Dura Chawngthu hi Lunglei khaw bul  Bualpui-ah kum 1900 khan a piang a, a pa chu Chawnkhalha a ni. Mizo zinga B.E hmasa ber a ni nghe nghe a, PWD ah SDO thlenga kaisangin a thawk \hin a ni. Hla a phuah tam lo nain a hla phuahte hian mi hriat a hlawh thei hle a, mizo pi leh pute hla phei chu hriat loh a nei mang lo hial a ni. Kum 1988 khan kum 88 mi niin a boral a ni.

Lalhmingthanga

Lalhmingthanga hi kum 1940 khan Vanhne ah a piang a, a pa chu Hrangbuanga a ni. Zirtirtu hna a thawk \hin a, ram leh hnam vei mi a nih avangin politics a khel leh a, MLA atan vawi 6 zet thlan tlin a ni. Mizo hla leh sap hla 15 vel a phuah a, a hla phuahte hi tam lem lo mahsela a \ha hlawm hle a, mi ngainat a hlawh thei hle a ni. Tunah khatla ah an chhungkuain an cheng mek a ni.

Kaphleia

Kaphleia hi kum 1910 khan |hiak khuaah a piang a, a pa chu Chalchhingvunga a ni. Culcutta (Kolkata) ah I.A a zir laiin Ngawr (TB) natna a vei hlauh mai a, zir chhuak thei lovin Mizoramah a lo chho a, enkawl dam theih a nih loh avangin Durtlang ah an awmna bik ‘inte thawveng’ ah a \hianpa TB vei ve tho Biakliana nen an awm ta a ni. Thu leh hla thiam tak a ni a, Mizo thawnthu hmasa ber ‘Chhingpuii’ bakah Essay hmasa ber ‘Thlirtu’ ziaktu a ni a, thawnthu dang leh essay bakah article tam tak ziakin hla pawh 10 chuang lai a phuah a. Kum 1940 November, ni 13 khan a thi ta a ni.

T Zorampela

T.Zorampela hi kum 1950 khan V^rpui (Myanmar) ah a piang a, a pa chu Rev.Zokima a ni. Matric a zawh hnuin Art & Culture Department-ah Music Instructor a ni \hin a. Thu leh hla lama tui tak niin article 50 chuang a ziak tawh a, hla 53 vel a phuah tawh bawk. Tunah hian Chanmari West-Aizawlah an chhungkuain an cheng mek a ni.

Ralngama

Ralngama hi chak hmingthang, Pu Tumpanga leh Liansiamite’n fapa niin kum 1907-ah Kanhmunah a piang a, kum 1916-ah Kristianah a inpe a. Kum 1923-a Zoram pum Lower Primary exam-ah pakhatna a ni. Kun 1936-1937 khan Tirhkoh hna a zir a. Zirpui a neihloh avangin Pu Mena’n Khawkawnah zirtirtu hna thawk se a tih angin zitirtuah a tang a. Khawdungseiah a insawn a. Kum1925-1935 thleng Khawchhiar hna a thawk. Kum 1956-ah Kohhran Upa atan nem ngheh a ni.

Laithangpuia

Laithangpuia hi Sesawng khuaah kum 1885 khan a piang a.  Apa chu Domawia niin a nu chu Chhinghermawii a ni.  Naupang kum 6 vel a nih laiin Tuirini luia an kalnaah lungnalah a tawlh thlu a, a vanduai a siamin a dam chhungin a mit a del phah ta a ni. Hmun hrang hranga an pemkual hnuah Sesawngah kir lehin Kum 1939, December ni 7 khan mitdel awm tawh lohna hmun Jerusalem Thar lam a pan ta a ni.

Hawilopari Book Review

Hawilopari Thawnthu Thlirna

(Book Review)

Ziaktu : Biakliana

Bihchiangtu : Jonathan K.Laldinpuia

I. Sawi hawnna :

Mizote hian thawnthu chi hrang hrang hmakhawsang a\angin kan lo nei tawh \hin a, chutiang thawnthute chu \awngka hmanga inhlan chhawng zelin kan vawng reng \hin a. Kum 1894 a kan S^p missionary ten ziak leh chhiar min zirtir a\ang phei kha chuan kan thawnthu te chu ziaka dah\hat nachang kan lo hre ta hial a ni. Ziak leh chhiar kan thiamna hi hnamdang ngaihtuah chuan la rei lo viau mah sela hnam dangte kaldan zulzuiin thu leh hla ah pawh hma kan sawn ve zel a, tunah phei chuan thu leh hla lamah nasa takin kan lo \hang ta hial a ni.

Thu leh hla huang chhungah pawh chuang chi hrang hrang, heng – Thawnthu (novel) te, Lemchan (drama) te, Hla leh Hlahril (poetry/poem) te pawh kan lo neih belh ta zel a, hei hian nasa takin kan thu leh hla a tihmas^wn a ni.

Silaimu Ngaihawm Theme

                      Silaimu Ngaihawm tih tahwnthu ah hian thupui laimu (theme) awmthei hrang hrang a, chung thupui laimu awmthei te chu :

                        1. Nula Tlangval Inhmangaihna,

                        2. Ram leh hnam hmangaihna,

                        3. Independence Movement, leh

                        4. Political Party Proclamation, te an ni.

            Silaimu Ngaihawm tih thawnthu in Thupui laimu atan a hman hrnag hrangte khi lo sawifiah i la: